Tags-Dil

lauTeñge tere aate hī phir din bahār ke
rahtī hai dil meñ aas ki zinda huuñ maiñ

dil meñ aise dukh ne Derā Daalā hai
aisā dukh jo āñkheñ nam kar detā hai

ḳhayāl-e-dushmanāñ hogā to vo bhī
kisī mujh se hī dil vaale ko hogā

dil-mohalle kī us galī meñ bhalā
kyuuñ nahīñ gul machā ka.ī din se

dil to kahtā nahīñ magar us ko
maslahat se janāb likkhūñgā

ahl-e-nazar hañs hañs kar tujh ko māh-e-kāmil kahte haiñ!
tere dil kā daaġh tujhī par tanz hai aur bharpūr hai chāñd

ik aag thī jo phūñk rahī thī do-jahāñ ko
vo dil se mire ho ke guzartā bhī to kaise

siine meñ koī sho.ala na nazroñ meñ kahīñ barq
'shohrat' bhalā dil merā bahaltā bhī to kaise

muḳhtasar hāl-e-chashm-o-dil ye hai
us ko ārām us ko ḳhvāb nahīñ

'haqqī'-e-dil-girafta ke bas meñ na jaane kab nahīñ
hijr meñ shād-kām thā vasl ke darmiyāñ bujhā

ai ḳhudā merī ragoñ meñ dauḌ jā
shāḳh-e-dil par ik harī pattī nikāl

shabīh-e-ḳhanjar-e-qātil banā kar
rakkhī siine meñ ham ne dil banā kar

junūñ dil ko na mere baiThne de
uThā de mast-e-lā-yāqil banā kar

jo qaabū tujh pe hotā merā ai jaan
tujhe pahlū meñ rakhtā dil banā kar

nikālā ārzu-e-dil ko 'anjum'
tamannā-e-dil-e-bismil banā kar

dar-ba-dar hasrat-e-dildār liye phirtī hai
sar-e-har-kūcha-o-bāzār liye phirtī hai

dil-e-sozāñ se nahīñ koī nishān-e-zulmat
mash.al-e-āh-e-shab-e-tār liye phirtī hai

tā.ir-e-dil ko havā-e-ḳham-e-zulf-e-sayyād
sūrat-e-murġh-e-giraftār liye phirtī hai

baiThne vaale na baiTheñge kabhī mahfil meñ
o sitamgar tire dil meñ mirā ghar ho to sahī

dil-e-betāb kā milnā nahīñ mushkil lekin
haath bhar kā kisī siine meñ jigar ho to sahī