Tags-Dil

kaun sā jahāñ hai ye kaise log haiñ is meñ
uThtā hai dhuāñ har dam dil ke ābgīnoñ se

ab is fazā kī kasāfat meñ kyuuñ izāfa ho
ġhubār-e-dil hai so dil meñ nihāñ liye phiriye

yahī bachā hai so ab ziist kī gavāhī meñ
yahī nishān-e-dil-e-be-nishāñ liye phiriye

kisī ke dhyān meñ Duubā huā dil
bahāne se mujhe bhī Tāltā hai

mujhe jis ne merā patā diyā vo ġham-e-nihāñ mire saath hai
mirī zindagī mirī raushnī dil‌-be-amāñ mire saath hai

mirā kārvāñ jo bichhaḌ gayā mire dil kā naqsh bigaḌ gayā
maiñ huuñ ik musāfir gum-shuda so yahī fuġhāñ mire saath hai

ye jo aañkh aaj chhalak uThī mire dil kā bhed hī khul gayā
maiñ samajh rahā thā ye ab talak ġham-e-be-nishāñ mire saath hai

jo ga.e dinoñ pe uThī nazar mire dil ne ḳhud ye kahā mujhe
maiñ kisī tilism-kade meñ huuñ koī dāstāñ mire saath hai

taḌapte dil ko na le iztirāb letā jā
paTak de sāġhar-e-ḳhālī sharāb letā jā

vo ban hī ghar se hai achchhā sukūn jis meñ mile
mujhe bhī o dil-e-ḳhāna-ḳharāb letā jā

bulāte kyuuñ ho 'ājiz' ko bulānā kyā mazā de hai
ġhazal kam-baḳht kuchh aisī paḌhe hai dil hilā de hai

bechne aa.e koī kyā dil-e-shaidā le kar
daam dete hī nahīñ aap to saudā le kar

chaar din bhī to na rakkhā dil-e-shaidā le kar
aap ne ham se bhī kam-baḳht ko khoyā le kar

kise majāl ki ab mere dil meñ ghar kar le
hai garche ab bhī khulā apne dil kā darvāza

girnī thī ham pe barq-e-tajallī na tuur par
dete haiñ baada zarf-e-qadah-ḳhvār dekh kar

dil ko dil se kaam rahegā
donoñ taraf ārām rahegā

dil ko ye samjhānā hai
duniyā pāgal-ḳhāna hai

vo kaisā begāna hai
dil jis kā dīvāna hai

tire shikve se vaqt-e-naz.a mujh ko sharm aa.egī
ki apne dāġh-e-dil phir āñsuoñ se dho rahā hūñgā