khulī āñkhoñ meñ sapnā jhāñktā hai
vo soyā hai ki kuchh kuchh jāgtā hai
tirī chāhat ke bhīge jañgaloñ meñ
mirā tan mor ban kar nāchtā hai
mujhe har kaifiyat meñ kyuuñ na samjhe
vo mere sab havāle jāntā hai
maiñ us kī dastaras meñ huuñ magar vo
mujhe merī razā se māñgtā hai
kisī ke dhyān meñ Duubā huā dil
bahāne se mujhe bhī Tāltā hai
saḌak ko chhoḌ kar chalnā paḌegā
ki mere ghar kā kachchā rāsta hai