Tags-Dil

jab tak fasīl-e-jism kā dar khul na jā.egā
is dil kī yurishoñ kā tasalsul na jā.egā

dil ye kahtā hai haar kar dekheñ
ḳhud ko tujh meñ utaar kar dekheñ

samjhā.eñ kaise dil kī nazākat kā mājrā
ḳhāmoshi-e-nazar kī ḳhitābat kahāñ se laa.eñ

āsūdgi-e-lutf-o-ināyat ke saath saath
dil meñ dabī dabī sī qayāmat kahāñ se laa.eñ

aarzū lutf talab ishq sarāsar nākām
mubtalā zindagi-e-dil inhīñ auhām meñ hai

huā dil surḳh-rū aayā nazar jab
shagufta chehra-e-gul-nār hamnā

thī tasavvur meñ nihāñ-ḳhāna-e-dil kī tasvīr
rāt-bhar dīda-e-bedār ne sone na diyā

rāt-bhar bārish-e-ilhām rahī hai dil par
sub.h tak abr-guhar-bār ne sone na diyā

haif dil meñ tire vafā na huī
kyuuñ tirī chashm meñ hayā na huī

dūd-e-dil terī zulf tak pahuñche
aah yaañ tak mirī rasā na huī

chashm-e-ḳhūñ-ḳhvār se 'fuġhāñ' dekhā
dil-e-bīmār ko shifā na huī

tasavvur hai na kaam apnā sivā murshid kī nisbat ke
tujhe hai in dinoñ ai dil shah-e-karrār se matlab

maiñ vo vāsil huuñ dilbar se ki dil apnā hai vo dilbar
rahā dil hī se kaam apnā usī ġham-ḳhvār se matlab

na ho āzād daur-e-charḳh kī halqa-ba-goshī se
tirā markūz dil-e-māo-shumā aur īn-o-āñ tak hai

dil to bujhtā jaatā hai 'ehsās'-miyāñ jī kā
shab se shart lagī hai to tābinda bhī rahnā hai

dil par hai vo sadma-e-judā.ī
ghaḌiyāl bhī siina kūTte haiñ

koī to matā-e-dil ko pūchhe
ābād raheñ jā lūTte haiñ

ye dil use muft bhī hai mahñgā
ham ḳhush haiñ kī saste chhūTte haiñ

mahfil meñ kisī kī ham ne unheñ ik baar zarā dekhā hī to hai
yuuñ naam pe un ke dhaḌke hai dil goyā un se rishta hī to hai

kyā kyā na ajab lamhe guzre tanhā.ī-e-shab meñ is dil par
ḳhush-fahmī ki sab kah Dālūñgā jaise vo mirī suntā hī to hai