Tags-Dil

ba-zāhir zabt-e-paiham bhī sharīk-e-dard-e-ulfat hai
'shakīl' is par bhī apne dil kī rusvā.ī nahīñ jaatī

dil meñ kasak aur lab par aaheñ aañkh meñ aañsū sar meñ saudā
husn kī duniyā ḳhandāñ ḳhandāñ ishq hai giryāñ apne vatan meñ

bigḌe bachche kī tarah shor machā.e jaa.e
ye mirā dil ki kisī kī bhī nahīñ suntā hai

shaam se dil meñ tarāzū hai koī tīr-e-sitam
raat guzregī na ḳhvāboñ ke shabistāñ hoñge

raqam dil par huā kyā kyā na pūchho
bayāñ honā hai ye qissa nazar se

manzil-e-maqsūd se aa.ī sadā
dil ko mīr-e-kārvāñ hone to do

apne andar jhāñk ke dekho
dil ke patthar meñ kālak kī kitnī parteñ jamī huī haiñ

matā-e-dil bahut arzāñ hai kyuuñ nahīñ lete
ki ek bose pe saudā hai ab to aa Thahrā

rah-e-vafā meñ raqābat ke moḌ bhī haiñ bahut
ye dil se kah do zarā hoshiyār ho ke chale

dil jo ghabrāyā to uTh kar dostoñ meñ aa gayā
maiñ ki ā.īna thā lekin pattharoñ meñ aa gayā

dil kī ḳhalish to saath rahegī tamām umr
dariyā-e-ġham ke paar utar jaa.eñ ham to kyā

rahzanī hai ki dil-sitānī hai
le ke dil dil-sitāñ ravāna huā

dil se bāhar haiñ ḳharīdār abhī
sāmne hai bharā bāzār abhī

dil ko yuuñ thaam rakhā hai jaise
baiTh jā.egī ye dīvār abhī

iz.hār-e-dard merī zabāñ se na ho sakā
ai shoḳh dil kā haal mirī chashm-e-tar se pūchh

ka.aba-e-dil ko agar Dhā.iyegā
yaad rakhiye ki sazā pā.iyegā

hāl-e-dil kahiye to farmāte haiñ
bakte bakte mirā sar khā.iyegā

surāġh-e-kāhkashāñ ahl-e-dil ko mil hī gayā
tumhārī rāhguzar ke sivā kuchh aur nahīñ

ye kis kī hai tamannā chuTkiyāñ letī hai jo dil meñ
ye kis kī aarzū hai jo kaleje ko masaltī hai

TūTte hī se huī dil meñ kashākash paidā
merī taḳhrīb meñ poshīda thī ta.amīr mirī