Tags-Dil

ye kaalī raat kā dariyā bahā kar le gayā sūraj
hirāsāñ sub.h ke sāhil pe dil tārīkiyoñ se hai

vo aañch aane lagī ḳhud se ki dil Darne lagā apnā
jahannum ruuh kā bhaḌkā huā ḳhāmoshiyoñ se hai

duur talak lahreñ bantī haiñ phailtī haiñ kho jaatī haiñ
dil ke baasī zehn kī jhiil meñ kañkar pheñkā karte haiñ

vahshat-e-dil ye baḌhī chhoḌ diye ghar sab ne
tum hue ḳhāna-nashīñ ho ga.iiñ galiyāñ ābād

sunte aate haiñ qāfila dil kā
rahguzar meñ kahīñ rukā hai ab

jis ko DhūñDā thā maiñ ne har jānib
mere dil meñ kahīñ chhupā hai ab

peshānī-e-hayāt pe kuchh aise bal paḌe
hañsne ko dil ne chāhā to aañsū nikal paḌe

firāq meñ to satātī hai ārzū-e-visāl
shab-e-visāl meñ kyuuñ dard-e-dil do-chand huā

ḳhudā hī jaane ki kyā dil pe choT lagtī hai
tumhāre paas jo aayā vo dard-mand huā

maiñ dil kā achchhā huuñ lekin zarā sā huuñ gustāḳh
tū ek baar mujhe siine se lagā kar dekh

sab kuchh ham un se kah ga.e lekin ye ittifāq
kahne kī thī jo baat vahī dil meñ rah ga.ī

rah gayā dil meñ ik dard sā
dil meñ ik dard sā rah gayā

ab na tasvīr hai koī na hai kīloñ kī chubhan
dil kī dīvār isī saal se ḳhālī huī hai

jo daaġh hai ishq-e-dil-nashīñ kā jo dil-nashīñ haiñ dil-e-hazīñ kā
vahī hai tamġha mirī jabīñ kā vahī sulaimāñ mire nagīñ kā

taḌap na pūchho dil-e-hazīñ kī kahūñ maiñ tum se kahāñ kahāñ kī
usī se hai gardish āsmāñ kī usī se hai zalzala zamīñ kā

miyān-e-mahshar malālatoñ se maiñ sham.a huuñ dil kī hālatoñ se
ki paañv tak sau ḳhijālatoñ se araq bahā hai mirī jabīñ kā

ab tak shikāyateñ haiñ dil-e-bad-nasīb se
ik din kisī ko dekh liyā thā qarīb se

dukhātā hai mirā dil be alif re
huā huuñ rañj se maiñ ze alif re

are dil mat tavaqqo.a dilbaroñ se rakh tarahhum kī
lahū piite haiñ jo shaḳhs un ko ġham khāne se kyā nisbat

sabā meñ thā na dil-āvezī-e-bahār meñ thā
vo ik ishāra ki is chashm-e-vaz.a-dār meñ thā