Tags-Dil

tum ki har dil meñ tumhārā ghar huā
ham ki apne ghar meñ be-ghar ho ga.e

bahut kuchh dekhnā hai aage aage
abhī dil ne mire dekhā hī kyā hai

na mānegā na mānegā mirā dil
''nahīñ'' se aap kī hotā hī kyā hai

zarā dam lo to phir tum ko sunā.īñ dāstāñ dil kī
abhī kuchh rañg bharnā hai hameñ ġham ke fasāne meñ

munāsib hai yahī 'rif.at' ki baaz aao mohabbat se
hai lāzim jaan kā ḳhatra kisī se dil lagāne meñ

ab gul se nazar miltī hī nahīñ ab dil kī kalī khiltī hī nahīñ
ai fasl-e-bahārāñ ruḳhsat ho ham lutf-e-bahārāñ bhuul ga.e

koī latīf sī shai ho to ham piyeñ saaqī
ham ahl-e-dil kī nazar meñ sharāb kuchh bhī nahīñ

hamāre dil se koī pūchhe qadr us mai kī
jo ek buuñd sahī vaqt-e-tishnagī to milī

sambhal sambhal ke mire dil ko toḌne vaale
tirī jafā meñ mohabbat kī chāshnī to milī

āḳhirī vaqt hai āḳhirī saañs hai zindagī kī hai shaam āḳhirī āḳhirī
sañg-dil aa bhī jā ab ḳhudā ke liye lab pe hai terā naam āḳhirī āḳhirī

thā shab to aah meñ bhī asar jazb-e-dil meñ bhī
kyūñkar na aa.e 'sheftā' mujh ko ajab rahā

lab pe pābandī to hai ehsās par pahrā to hai
phir bhī ahl-e-dil ko ahvāl-e-bashar kahnā to hai

nazar ko aa.ina dil ko tirā shāna banā deñge
tujhe ham kyā se kyā ai zulf-e-jānāna banā deñge

hameñ to fikr dil-sāzī kī hai dil hai to duniyā hai
sanam pahle banā deñ phir sanam-ḳhāna banā deñge

na jaane kitne dil ban jā.eñge ik dil ke TukḌe se
vo toḌeñ aa.ina ham ā.ina-ḳhāna banā deñge

ham ne har uqda-e-dushvār kā muñh chuum liyā
kitne dilkash haiñ tirī zulf-e-girah-gīr ke ḳham

agar yuuñ hai to kyuuñ hai yuuñ nahīñ to kyuuñ nahīñ āḳhir
yaqīñ mohkam hai lekin dil kī hairānī nahīñ jaatī

na.e ḳhvāboñ ke dil meñ sho.ala-e-ḳhurshīd-e-mahshar hai
zamīr-e-hazrat-e-insāñ kī sultānī nahīñ jaatī

galī se tirī dil ko le to chalā huuñ
maiñ pahuñchūñgā jab tak ye aatā rahegā

aah se jab dil meñ Duube tiir ubhāre jā.eñge
dekh lenā duur tak uḌ kar sharāre jā.eñge