Tags-Dil

tum le ke pherte ho jo dil kuchh sabab bhī hai
kyūñ-kar na rakh sake ise kyūñ-kar na rah sakā

ai 'nūh' ab kahāñ ise le jā ke pheñk duuñ
lo un ke paas bhī dil-e-muztar na rah sakā

tujhe ai dīda-e-tar fikr kyuuñ hai dil ke zaḳhmoñ kī
ki be-shabnam ke bhī ye phuul murjhā.e nahīñ jaate

dil ke sivā hai kaun sā aisā charāġh shaam
be-nūr ho ke bhī jise raḳhshanda kah sakeñ

ho kitnī hī ḳhush-gavār phir bhī
hai dil ke liye balā tamannā

āvāz to do kise pukārūñ
tum ho mire dil meñ yā tamannā

ashkoñ se apne dil ko hikāyat dāman par irqām karo
ishq meñ jab yahī kaam hai yaar vale ke ḳhudā kā naam karo

dil kī matā.a to luuT rahe ho husn kī dī hai zakāt kabhī
roz-e-hisāb qarīb hai logo kuchh to savāb kā kaam karo

āsmāñ kā shikva kyā vaqt kī shikāyat kyuuñ
ḳhūn-e-dil se nikhrā hai aur bhī hunar merā

dil kī be-qarārī ne hosh kho diye 'tābāñ'
varna āstānoñ par kab jhukā thā sar merā

chale ba-jeb-e-darīda, ba-dāman-e-sad-chāk
ki jaise jins-e-dil-o-jāñ gañvā ke aa.e haiñ

kyā kyā na hādse mire dil par guzar ga.e
lekin shaguftagī na ga.ī rañg-rūp se

sham-e-dil sham-e-tamannā na jalā maan bhī jā
tez āñdhī hai muḳhālif hai havā maan bhī jā

dil meñ utar ke sair-e-dil-e-rah-ravāñ kareñ
aahoñ meñ Dhal ke zabt-e-fuġhāñ dekhte chaleñ

maazī kī yādgār sahī yād-e-dil to hai
tarz-e-nashāt-e-nauha-garāñ dekhte chaleñ

zaḳhm bhī taaza hai aur dil bhī nahīñ mānūs-e-dard
rafta rafta yūñhī aadat sabr kī ho jā.egī

sham.a sā jab shaam hī se hai gudāz-e-dil 'ravāñ'
sub.h tak kyā jaane kyā hālat tirī ho jā.egī

sogvārī chaman-e-dil par hai
barg-e-ruḳhsār kī bāteñ kareñ kyā

na duniyā hī kā rakkhā aur na diiñ kā
dil-e-madhosh tū ne maar Daalā

sadqe tere hote haiñ sūraj bhī sitāre bhī
ham kis se kaheñ dil hai siine meñ hamāre bhī