Tags-Dil

adā-e-dilbarī o dil-navāzī
tujhe ai ḳhusrav-e-ḳhūbāñ mubārak

kisī ke zaḳhm-hā-e-dil ko yā-rab
kisī kī jumbish-e-mizhgāñ mubārak

koshish to bahut kī ham ne magar paayā na ġham-e-hastī se mafar
vīrānī-e-dil jab had se baḌhī ghabrā ke mohabbat kar baiThe

us ke dil meñ ḳhud vafā nā-paid thī
dostī kī bhiik kyā detā mujhe

jo bhī is dil pe guzartī hai raqam karte raho
kaise mumkin hai kitābo se bhulā.e jaao

shāyad ye tarz kisī ruuh meñ ghar kar jaa.e
ain mumkin hai kisī dil meñ basā.e jaao

pahle hotā agar shu.ūr itnā
shīsha-e-dil na hotā chuur itnā

muqaddar thā jo bach aa.e salāmat
dil-e-inkār ko iqrār jaanā

udaas hai na kisī se huā hai jhagḌā koī
baḌe dinoñ se yūñhī dil dukhā huā hai bas

vo chaal aTkheliyoñ se chal kar dil o jigar rauñde Dālte haiñ
abhī javānī kā hai jo aalam na dekhte haiñ na bhālte haiñ

chalā hai pahlū se yaar uTh kar ġham-e-judā.ī ko Tālte haiñ
kabhī to ham dil ko thāmte haiñ kabhī jigar ko sambhālte haiñ

maut par qudrat hai jiine kā nahīñ maqdūr hai
tū hī dard-e-dil batā ab kyā tujhe manzūr hai

aap 'muzaffar'-hanafī se mil kar shāyad māyūs na hoñ
dil ke saaf basīrat gahrī zehan rasā a.amāl khule

kyā batā.ūñ dil meñ kis kī yaad kā
ek kāñTā chubh rahā hai mustaqil

dil-e-nādāñ tujhe huā kyā hai
āḳhir is dard kī davā kyā hai

dil meñ chhupā kar merī yādeñ
pahroñ nazmeñ likhtā hogā

dil se uThtā hai sub.h-o-shām dhuāñ
koī rahtā hai is makāñ meñ abhī

kuchh naqsh tirī yaad ke baaqī haiñ abhī tak
dil be-sar-o-sāmāñ sahī vīrāñ to nahīñ hai

TuuTā to aziiz aur huā ahl-e-vafā ko
dil bhī kahīñ us shoḳh kā paimāñ to nahīñ hai

ban chukā hai dil savāl ab kisī ke hijr meñ
is pe lā-javāb haiñ ratjagoñ ke darmiyāñ