Tags-Dil

jis din se apnā tarz-e-faqīrāna chhuT gayā
shāhī to mil ga.ī dil-e-shāhāna chhuT gayā

na gintā thā koī hasīnoñ meñ o but
tujhe de ke dil maiñ ne dilbar banāyā

us se do-chār baar aur mileñ
jis ko dil se na bhulāyā jaa.e

ye shahr-e-dil meñ bhalā aaj kis kī aamad hai
ye mahv-e-raqs haiñ ḳhushbūeñ kū-ba-kū kaisī

sar mire siine pe us ne jab rakhā hai zindagī
is tarah dariyā-e-dil ko vo ravānī de gayā

baat bhī itnī ki bas us ne kiyā mujh ko salām
haañ magar logoñ ke dil meñ bad-gumānī de gayā

bazm meñ be-parda aayā muskurā kar sāmne
nā-tavāñ dil ko mire phir se javānī de gayā

jal kar un āñkhoñ meñ aañsū jab kājal ban jaate haiñ
dil se uTh kar reg bagūle dal bādal ban jaate haiñ

utārā dil ke varaq par to kitnā pachhtāyā
vo intisāb jo pahle bas ik kitāb pe thā

zehn-o-dil meñ us kī yādeñ aate hī
lafz sharārat ḳhud hī karne lagte haiñ

Tapakte haiñ shab-e-ġham dil ke TukḌe dīda-e-tar se
sahar ko kaise kaise phuul chuntā huuñ maiñ bistar se

lahū ke ashk jo Tapke to khul gayā ye raaz
nigah thī dil meñ ki utrī huī kaTārī thī

vo qaul ġhair ko dete haiñ lete haiñ iqrār
tirī taraf ko dil-e-be-qarār dekh chuke

ek bahut hī bojhal shaam ke aate hī
suune dil ko yādoñ kā kohrām milā

utar aayā hai dil meñ nuur koī
tumheñ chehre kī tābānī mubārak

ye buland-o-past-e-jahān-e-dil kahīñ hausle kahīñ marhale
kabhī huuñ maiñ auj-e-ḳhayāl par kabhī zo.af-e-jāñ se niDhāl huuñ

maiñ huuñ apnī zaat meñ ḳhud chaman maiñ huuñ 'bāqar' apne numū kā fan
kabhī ġhunchagī meñ girafta-dil kabhī josh-e-jāñ se nihāñ huuñ

uqāboñ ke par aaj bhī sarsarā.eñ
to ma.asūm chiḌiyoñ ke dil sahm jaa.eñ

ishq ne tujh ḳhaal ke mujh kuuñ ḳhayālī kiyā
dil kuuñ ḳhayālāt suuñ ġhair ke ḳhālī kiyā

gulshan-e-ishrat kā vo kyuuñ na nazāra kare
tujh chaman-e-husn kā dil kuuñ jo maalī kiyā