Tags-Dil

luuTā hosh aur luuTā diiñ ko dil ko bhī kuchlā kyā kyā vaah
naaz ko us ne aaj to kuchh be-dād par aisā chhoḌ diyā

din ko hamāre paas vo chanchal kaahe ko āvegā ai dil
raat ko ik dam ḳhvāb meñ aanā jis ne idhar kā chhoḌ diyā

tā.ir-e-dil jab ham se gayā phir fā.eda kyā jo pūchheñ 'nazīr'
shoḳh ne us ko zab.h kyā yā qaid rakhā yā chhoḌ diyā

luT ke bhī ḳhush huuñ ki ashkoñ se bharā hai dāman
dekh ġhārat-gar-e-dil ye bhī ḳhazāne mere

kaash tū bhī merī āvāz kahīñ suntā ho
phir pukārā hai tujhe dil kī sadā ne mere

kaash tū bhī kabhī aa jaa.e masīhā.ī ko
log aate haiñ bahut dil ko dukhāne mere

zaḳhm-e-dil jaag uThe phir vahī din yaar aa.e
phir tasavvur pe ubhar aa.e vo manzar saare

ḳhūn-e-dil aur nahīñ rañg-e-hinā aur nahīñ
ek hī rañg meñ haiñ shahr ke manzar saare

shahr-e-dil kā jo makīñ hai vo bichhaḌtā kab hai
jis qadar duur gayā aañkh se ojhal na huā

aaj bhī dil kī zamīñ ḳhushk rahī tishna rahī
aaj bhī mā.il-e-altāf vo bādal na huā

vo be-ruḳhī ki taġhāful kī intihā kahiye
ba-īñ-hama use kis dil se be-vafā kahiye

vo munfa.il ho ki ho mushta.il balā se magar
kabhī to hāl-e-dil-e-zār-e-barmalā kahiye

hañs hañs ke us se bāteñ kiye jā rahe ho tum
'sābir' vo dil meñ aur hī kuchh sochtā na ho

phir ḳharīdāroñ kī duniyā meñ zarā sun-gun huī
dil dhaḌakne kī sadā mādūm ho kar rah ga.ī

dil na maanā ji.eñ kahkashāñ chhoḌ kar
jā ke baste kahāñ ḳhāndāñ chhoḌ kar

dil umaDtā aa.e hai miTTī huī jaatī hai nam
zindagī par zindagī kā baar baḌhtā jaa.e hai

kuchh na kuchh honā hai āḳhir tap ke kundan jal ke raakh
dil kī jānib sho.ala-e-afkār baḌhtā jaa.e hai

saḳhtī-e-rāh-e-talab se dil laraztā hai magar
mujh se aage jazba-e-bedār baḌhtā jaa.e hai

mushkil ke vaqt dil hī se kuchh mashvara kareñ
kyuuñ deñ kisī ko ġhair se ham pūchh kar javāb

zarroñ kī tarah ḳhaak meñ haiñ āshiqoñ ke dil
gar tū kare savāl to de rahguzar javāb