Tags-Dil

duur hai dil manzil-e-ġham se hanūz
ik ġhalat andāz-e-nazar chāhiye

marham-e-ḳhush-mizājiyāñ chīda
dil ko pahuñchī huiiñ gazand hazār

jaatā hai mire ghar se dil-dār ḳhudā-hāfiz
hai zindagī ab mushkil be-yār ḳhudā-hāfiz

Dartā huuñ ki dil har dam maltā hai na ho jaave
us chashm-e-sitam-gar kā bīmār ḳhudā-hāfiz

kis kaam kā aisā dil jis meñ ranjish hai ġhubār hai kiina hai
ham ko hai zarūrat us dil kī sab jis ko kaheñ ā.īna hai

dil ke ġham ne dard-e-jahāñ se mil ke baḌā bechain kiyā
pahle palkeñ pur-nam thiiñ ab aariz bhī namnāk hue

ye kis ke aane ke imkāñ dikhā.ī dete haiñ
dil o nigāh ġhazal-ḳhvāñ dikhā.ī dete haiñ

vo ahl-e-dil jo tire aasre pe jiite the
rahīn-e-gardish-e-daurāñ dikhā.ī dete haiñ

ik aag phir bhaḌak uTThī hai diida o dil meñ
kuchh ashk phir sar-e-mizhgāñ dikhā.ī dete haiñ

ye kis ke jalva-e-rañgīñ kā aks hai 'shahzād'
dil o nigāh firozāñ dikhā.ī dete haiñ

ba-sūrat-e-dil-e-pur-dāġh un kī mahfil se
atā huī hai mohabbat kī yādgār mujhe

donoñ āñkheñ dil jigar haiñ ishq hone meñ sharīk
ye to sab achchhe raheñge mujh par ilzām aa.egā

kabhī dil ko dil se jo dekhā bichhaḌte
'sadaf' ko tumhāre karam yaad aa.e

duur tak koī bhī nahīñ dil meñ
āḳhirī shahr bhī milā vīrān

phir koī ḳhalish nazd-e-rag-e-jāñ to nahīñ hai
phir dil meñ vahī nashtar-e-mizhgāñ to nahīñ hai

kyuuñ hai dil-e-vahshat-zada bezār guloñ se
tā-hadd-e-nazar rāh-e-bayābāñ to nahīñ hai

phūloñ kī tarah hañsne lage zaḳhm hazāroñ
dil bhī kahīñ majrūh-e-bahārāñ to nahīñ hai

yuuñ dil hai har ik rañj-o-alam kā mutahammil
lekin ġham-e-daurāñ ġham-e-jānāñ to nahīñ hai

ye naaz ye andāz ye shoḳhī ye adā.eñ
ai dil ye kahīñ bazm-e-hasīnāñ to nahīñ hai

in hasīnoñ se ḳhudā sābiqa Daale na kabhī
sab ko barbād kiyā dil meñ rahe jis jis ke