Tags-Dil

hai kaun shai jis kī zid nahīñ hai jahāñ ḳhushī hai malāl bhī hai
ġham-e-judā.ī na khā tū ai dil firāq hai to visāl bhī hai

dil-lagī ġhairoñ se be-jā hai mirī jaañ chhoḌ de
maan kahnā tere sadqe tere qurbāñ chhoḌ de

ġhamza-e-bejā nahīñ uThte phuñkā jaatā hai dil
garmiyāñ apnī tū ai mehr-e-daraḳhshāñ chhoḌ de

yuuñ bhulā.ī dil se yād-e-mus.haf-e-ruḳhsār 'rind'
hifz kar ke jis tarah se koī qur.āñ chhoḌ de

tū kisī kā muntazir kab thā magar ye to batā
umr-bhar dil kā khulā rakkhā hai dar kis ke liye

bahut ziyāda ḳhushī se vafāt pā gayā ho
to aise dil ko dukhā kar jilānā paḌtā hai

sunā hai tum mire dil kī taraf se guzre the
isī taraf to mirā kārḳhāna paḌtā hai

dil ke darvāze par aahaT suntī huuñ
jabhī to āñkhoñ meñ hairānī hotī hai

ai ḳhushā dil ab to sailāb-e-mohabbat aa.egā
aaj to bā-chashm-e-nam dildār hai barsāt meñ

taar bārish kā na TuuTe baj uTheñ tār-e-junūñ
āfrīñ dāmān-e-dil bhī taar hai barsāt meñ

ai 'suhail' us ko zarā khul kar barasnā chāhiye
ehtiyāt-e-husn-e-dil dil baar hai barsāt meñ

na kyūñ-kar nazr dil hotā na kyūñ-kar dam mirā jaatā
akelā bhejtā us ko vo ḳhālī haath kyā jaatā

tumhārī yaad merā dil ye donoñ chalte purze haiñ
jo in meñ se koī miTtā mujhe pahle miTā jaatā

kisī kā ḳhūn-e-dil khiñch kar Tapak jaatā hai āñkhoñ se
kisī kī aañkh meñ khiñch kar mai-e-gulfām aatī hai

niyyat-e-shauq bhar na jaa.e kahīñ
tū bhī dil se utar na jaa.e kahīñ

bhaTak rahā hai dil imroz ke añdheroñ meñ
nishān-e-manzil-e-fardā bahut hī mub.ham hai

abhī nahīñ kisī aalam meñ dil Thaharne kā
abhī nazar meñ tirī anjuman kā aalam hai

paanī se sag-gazīda Dare jis tarah 'asad'
Dartā huuñ aa.ine se ki mardum-gazīda huuñ