Tags-Dil

duur jab tak the taḌaptā thā meñ kaisā kaisā
paas aa kar vo jo Thahre to mirā dil Thahrā

kasrat-e-dāġh se gul-dasta banā dil to kyā
zīnat-e-bāġh na ārā.ish-e-mahfil Thahrā

kitnī tūfānī thiiñ rāteñ jin meñ do dīvāne dil
thapkiyāñ dete rahe bhaḌke hue jazbāt ko

vo ki apne pyaar kī thī bhīgī bhīgī ibtidā
yaad kar ke ro diyā dil aaj us barsāt ko

suḳhan-e-saḳht se dil pahle hī tum toḌ chuke
ab agar baat banāo bhī to kyā hotā hai

'farāz'-o-'faiz' ke dilkash kalām ko paḌh kar
mohabbatoñ kā tarīqa sikhā rahā thā maiñ

jaane kitne dil-e-mushtāq liye hai armāñ
kaash shab Thahar bhī jaa.e tire aa jaane se

rakhte nahīñ saada safha-e-dil
nāḳhūn ke naqsh ubhārte haiñ

vaañ se avval dil-e-be-tāb tū kab aatā hai
aur aanā bhī to sau jā pe machal kar aanā

bole vo kuchh aisī be-ruḳhī se
dil hī meñ rahā savāl apnā

ek ḳhabar hai tere liye
dil par patthar bhārī rakh

aaj na jaane kyuuñ lagtā hai dil kā mausam nikhrā nikhrā
fasl-e-junūñ kā mehmāñ ban kar kaun rukā hai mere andar

sahar ham ne chaman-andar ajab dekhā kal ik dilbar
sahī qāmat parī-paikar muqattā-vaz.a ḳhush-manzar

adā.eñ sab fusūñ-ā.īñ na chhoḌeñ dil na chhoḌeñ diiñ
fareb-o-ishva sulh-āgīñ itāb-o-ġhamza jañg-āvar

ye dekhā ham ne jab aalam to rakh dil haath par hamdam
kahā haiñ nazr karte ham jo le liije to hai behtar

kahā le jā tū apnā dil ki tū kyā aur terā dil
na leveñ ham to aisā dil kahā jab ham ne yuuñ hañs kar

yahī ik dil hai bechārā bhalā hai yā ki nākāra
agarche hai ye āvāra va lekin hai vafā-parvar

us ko ḳhulūs-e-dil kī kashish khīñch lā.egī
aa.egā to vo aane bahāne bhī aa.egā

uTh rahā hai dil se aahoñ kā dhuāñ
mahfil-e-shab mahfil-e-ishrat na thī

dil nahīñ lazzat-e-dīdār se sarshār agar
vahshat-e-jāñ hī sahī hasrat-e-jalva hī sahī