Tags-Dil

'shohrat' se kabhī jaan talab kar ke to dekho
har-chand tahī-dast hai par dil kā ġhanī hai

phāñs kī tarah har ik saañs khaTaktī hai mujhe
naġhme kyuuñ ghuT ke rahe jaate haiñ dil hī dil meñ

qibla-e-dil kāba-e-jāñ aur hai
sajda-gāh-e-ahl-e-irfāñ aur hai

roz-o-shab yaañ ek sī hai raushnī
dil ke dāġhoñ kā charāġhāñ aur hai

dard vo dil meñ vo siine par hai daaġh
jis kā marham jis kā darmāñ aur hai

mānūs ho chale haiñ jo dil kī sadā se ham
shāyad ki jī uThe tirī āvāz-e-pā se ham

ye kaun chhā gayā hai dil o diida par ki aaj
apnī nazar meñ aap haiñ nā-āshnā se ham

kaun jaatā hai dil meñ aa aa kar
har sukūñ iztirāb hai pyāre

ye shola dil se alag ho ke bhī nikal aayā
kuchh aag phail ga.ī hai havā ke hone se

do ghaḌī dil ke bahlāne kā sahārā bhī gayā
lījiye aaj tasavvur meñ bhī tanhā.ī hai

shahīd hone kī ye tamannā na dil se niklegī dekh lenā
uThā.e ḳhanjar vo haath meñ kyā na yaar sambhle jab āstīñ kā

hamāre dil meñ vahī aks-e-yār ab bhī hai
murād ye hai ki har pal bahār ab bhī hai

tumheñ to farq nahīñ paḌtā ham mileñ na mileñ
tumhāre dil pe anā kā ġhubār ab bhī hai

hamāre ek dil ko un kī do zulfoñ ne gherā hai
ye kahtī hai ki merā hai vo kahtī hai ki merā hai

ye dard kā hai musalsal jo silsila kyuuñ hai
Thahar Thahar ke koī dil meñ jhāñktā kyuuñ hai

qarār dil ko sadā jis ke naam se aayā
vo aayā bhī to kisī aur kaam se aayā

lagā.e baiThe haiñ mehñdī jo mere ḳhuuñ se poroñ meñ
yahī to rahzanoñ meñ haiñ yahī haiñ dil ke choroñ meñ

dil-e-betāb kā kuchh dhyān na aayā us dam
haa.e kyuuñ ham ne ise vaqt-e-sahar chhoḌ diyā

dam-e-ruḳhsat kabhī kuchh dil kī tamannā na kahī
dāman-e-yār udhar pakḌā idhar chhoḌ diyā

dil kī ulfat na sahī pyaar kī bāteñ na sahī
dekhnā bhī to idhar ek nazar chhoḌ diyā