Tags-Dil

saaz de ke tāroñ ko chheḌ to diyā tum ne
sāz-e-dil ke tāroñ kī baat bhī sunī hotī

ahl-e-dil vahāñ se bhī naġhma-zan guzar aa.e
lai jahāñ mohabbat kī TuuT hī ga.ī hotī

tiir kī jaañ hai dil dil kī jaañ tiir hai tiir ko yuuñ na khīñcho kahā maan lo
tiir khīñchā to dil bhī nikal aa.egā dil jo niklā to dam bhī nikal jā.egā

dil meñ taaza ġham-e-āshiyāñ hai abhī mere nāloñ se barham na sayyād ho
dhīre dhīre ye aañsū bhī tham jā.eñge rafta rafta ye dil bhī bahal jā.egā

merī fariyād se vo taḌap jā.eñge mere dil ko malāl is kā hogā magar
kyā ye kam hai ki vo be-naqāb ā.eñge marne vaale kā armāñ nikal jā.egā

phuul kuchh is tarah toḌ de bāġhbāñ shāḳh hilne na paa.e na āvāz ho
varna gulshan pe raunaq na phir aa.egī dil agar har kisī kā dahal jā.egā

shāyad yahī mazāq-e-talab kī hai intihā
duniyā-e-rañg-o-bū meñ bhī dil be-talab huā

ye bujhī sī shaam ye sahmī huī parchhā.iyāñ
ḳhūn-e-dil bhī is fazā meñ rañg bhar saktā nahīñ

tum mere is dil ko pāgal mat kahnā
apnā bachcha sab ko pyārā hotā hai

shikast-e-dil koī roket hai jo dikhā.ī de
aziim shahr meñ ik chīḳh kyā sunā.ī de!

dil kā dukh jaanā to dil kā mas.ala hai par hameñ
us kā hañs denā hamāre haal par achchhā lagā

bāġhbāñ gulchīñ ko chāhe jo kahe ham ko to phuul
shāḳh se baḌh kar kaf-e-dildār par achchhā lagā

kahāñ jaa.eñ chhoḌ ke ham use koī aur us ke sivā bhī hai
vahī dard-e-dil bhī hai dosto vahī dard-e-dil kī davā bhī hai

sard-mehrī se tirī dil jo tapāñ rakhte haiñ
hama-tan barf haiñ aahoñ meñ dhuāñ rakhte haiñ

farsh-e-rah kis ke liye ham dil-o-jāñ rakhte haiñ
ḳhūb-rū paañv zamīñ par hī kahāñ rakhte haiñ

kis se be-dardī-e-ahbāb kā shikva kiije
naam be-tābī-e-dil kā ḳhafaqāñ rakhte haiñ

jo dil meñ aatā gayā sidq-e-dil se likhtā gayā
duā.eñ māñgī haiñ maiñ ne to shā.erī nahīñ kī

jab raat ga.e tirī yaad aa.ī sau tarah se jī ko bahlāyā
kabhī apne hī dil se bāteñ kiiñ kabhī terī yaad ko samjhāyā

jab pahle-pahal tujhe dekhā thā dil kitne zor se dhaḌkā thā
vo lahr na phir dil meñ jaagī vo vaqt na lauT ke phir aayā

ba-juz latāfat ehsās-e-justujū dil meñ
nigār-e-rafta kā koī surāġh hī na milā