Tags-Dil

dil o nigāh kā ye fāsla bhī kyuuñ rah jaa.e
agar tū aa.e to maiñ dil ko aañkh meñ rakh luuñ

kabhī samajh meñ na aayā vo kaun hai kyā hai
yahī bahut hai ki maiñ apne dil ko samjhā luuñ

bas yahī kuchh soch kar dil meñ tire maiñ aa basā
koī is ghar meñ tirā pāsañg honā chāhiye

sañg-dil laḌkoñ se majnūñ ko bachāne ke liye
haath meñ tere bhī lailā sañg honā chāhiye

umr kī is manzil par bhī ham tujh par jaan nichhāvar kar deñ
go vo garmī ḳhuuñ meñ nahīñ hai dil meñ qayāmat ab bhī vahī hai

ḳhazāna-e-zar-o-gauhar pe ḳhaak Daal ke rakh
ham ahl-e-mehr-o-mohabbat haiñ dil nikāl ke rakh

ham ahl-e-dil ne me.ayār-e-mohabbat bhī badal Daale
jo ġham har fard kā ġham hai usī ko ġham samajhte haiñ

ahl-e-dil ahl-e-zarf ahl-e-nazar
baat dil kī kahā nahīñ karte

bazm-e-ishrat meñ āshiqān-e-tarab
nāla-e-dil sunā nahīñ karte

ḳhuub mil kar gale se ro lenā
is se dil kī safā.ī hotī hai

Dūbtī hai hamārī kashti-e-dil
aap se āshnā.ī hotī hai

lashkar-e-ġham kī kishvar-e-dil par
raat din ab chaḌhā.ī hotī hai

apnā paimāna-e-dil hai mai-e-ġham se labrez
buuñd se bāda-e-ishrat kī chhalak jaatā hai

dil liyā hai to ḳhudā ke liye kah do sāhab
muskurāte ho tumhīñ par mirā shak jaatā hai

shefta shāhid-e-ra.anā-e-suḳhan kā huuñ 'habīb'
na.e andāz pe dil merā phaḌak jaatā hai

tirā jalva nihāyat dil-nashīñ hai
mohabbat lekin is se bhī hasīñ hai

dil o nazar pe tire ba.ad kyā nahīñ guzrā
tujhe gumāñ ki koī hādsa nahīñ guzrā

kisī ke chehre ke pīchhe kā haal kyā ma.alūm
shikast-e-dil kī sadā duur tak nahīñ jaatī

dil meñ ḳhushbū sī utar jaatī hai siine meñ nuur sā Dhal jaatā hai
ḳhvāb ik dekh rahā hotā huuñ phir ye manzar bhī badal jaatā hai

jab tumhārī aarzū baaqī nahīñ
dil dhaḌaktā hai na jaane ke liye