Tags-Dil

sair phir bhī ho nahīñ paayā dil-e-īzā-talab
vaqt ne jī bhar ke go us par sitam Dhāyā bhī hai

hijr kī shab aur yādoñ kī surūr-āgīñ phuvār
kuchh to dil kī be-qarārī ko qarār aayā bhī hai

mahv-e-zārī to rakhā dil kī lagī ne shab-bhar
lekin aañsū bhī jo poñchhe to usī ne shab-bhar

ye mire dil kī chamak hai ki tirī aañkh kā nuur
zehn meñ nāchte rahte haiñ nagīne shab-bhar

dil ke betāb samundar meñ tamannā ban kar
Dūbte tairte rahte haiñ safīne shab-bhar

dil hī dil meñ sulag ke bujhe ham aur sahe ġham duur hī duur
tum se kaun sī aas bañdhī thī tum se rahe ham duur hī duur

kisī kā naqsh banāte haiñ lauh-e-dil par ham
kisī kā aks sar-e-ā.īna banāte haiñ

zamīneñ tañg huī jā rahī haiñ dil kī tarah
ham ab makān nahīñ maqbara banāte haiñ

dil ne tumhāre husn ko baḳhshī haiñ rif.ateñ
dil ko magar nazar se girā.e hue ho tum

maanā duniyā hai baḌī ḳhuub baḌī
dil kī bastī se kushāda kyā hai

le liyā koh-e-havādis sar par
vaqt ke dil ko na toḌā ham ne

pesh-e-nigāh mere hazāroñ hī rañg the
dil ne kiyā pasand magar aap hī kā rañg

ye hai fareb-e-chashm ki ye dil kā vāhima
har gul meñ dekhtī huuñ gul-e-kāġhzī kā rañg

rañgīñ hai jis ke dam se mirī kā.enāt-e-dil
vo hai jamāl-e-yār kī tābindagī kā rañg

iztirāb aisā huā dil kā sahārā mujh ko
koī Thahrāv nahīñ ḳhud meñ gavārā mujh ko

ronā hī aatā hai ham ko dil huā jab se judā
jaa.e rone hī kī hai jaave jab aisā āshnā

nā-samajh hai to jo merī qadar na.iiñ kartā ki shoḳh
kam bahut miltā hai phir dil-ḳhvāh itnā āshnā

dil kī vīrānī kā kyā mazkūr hai
ye nagar sau martaba luuTā gayā

kū-e-jānāñ meñ zamāna ho gayā rote hue
tā-kujā dil kā ta.assuf haath mal kar raah chal

yuuñ rasā.ī tā-sahar mumkin nahīñ ai dil magar
sham.a kī sūrat shab-e-ġham meñ pighal kar raah chal