Tags-Dil

diye jalā.e umīdoñ ne dil ke gird bahut
kisī taraf se na us ghar meñ raushnī aa.ī

kaun bhalā ye kahtā hai ḳhud aa ke ham ko manā.eñ aap
TuuTā dil ab kaise juḌegā sachchī qasmeñ na khā.īñ aap

josh-e-junūñ kā daur nahīñ hai dil ke sukūñ kā daur nahīñ hai
ġham hai nayā kaise kam hogā aa.eñ aap na aa.eñ aap

jis dil meñ tirī zulf kā saudā nahīñ hotā
vo dil nahīñ hotā nahīñ hotā nahīñ hotā

kahtā hai koī sho.ala-e-javvāla koī barq
is dil pe gumāñ logoñ ko kyā kyā nahīñ hotā

haañ kuchh to bayān-e-havas-e-dil meñ hai lazzat
jo lab se judā harf-e-tamannā nahīñ hotā

taskīn-e-dil-e-soḳhta-e-shamm.a kī ḳhātir
kis shab par-e-parvāna se pañkhā nahīñ hotā

dil ishq ne itnā bhī na chhoḌā ki jo kahveñ
taqsīm juz-e-lā-yatajazzā nahīñ hotā

de baiThe ho dil 'aish' tum un logoñ ko jin kī
bedād kā vaañ bhī koī shunvā nahīñ hotā

dil uff kar ke baiTh gayā
kaise the lamhāt na pūchh

ik kāñTā dil ko Dastā thā
maut se pahle hī

soz-e-dil-o-jigar kī shiddat phir āj-kal hai
phir pahluoñ ke takiye mash.al banā diye haiñ

sham.oñ ko tū ne dil se parvānoñ ke utārā
āñkhoñ se bulbuloñ kī gulshan girā diye haiñ

jo kuchh guzartā hai mere dil par sunā.ūñ kis ko vo haa.e dilbar
ḳhudā kare phir vo din mayassar kahūñ maiñ apnī hī sab zabāñ se

tirā ḳhafā ho ke ruuTh jaanā vo minnatoñ se mirā manānā
vo apnī apnī sī kuchh sunānā vo bāteñ bhī aap dil-sitāñ se

'nizām' kyuuñ tū ne us ko chāhā ye dil meñ kyā thī jo dil lagāyā
jo deve taufīq kuchh bhī maulā to ab na milnā kabhī butāñ se

dil vahī barbād aur sadiyoñ kī gard
vaqt kī har fat.h bhī be-kār sī

qarīb-e-dil ḳharosh-e-sad-jahāñ ham
jo tum sun lo tumhārī dāstāñ ham

ḳhatra hai vafā ke luTne kā majbūri-e-dil bhī lāzim hai
jiine kī tamannā karte haiñ marne kā taqāzā karte haiñ

ma.asūm sitamgar kī bāteñ mazlūm adā ke afsāne
yuuñ raat basar ho jaatī hai yuuñ dil kā mudāvā karte haiñ