Tags-Dil

ḳhuun se majbūr ke dasht-e-jahāñ jannat-badosh
shiddat-e-mehnat se dilkash rañg hai tasvīr kā

iztirāb-e-shauq meñ dil haath se jaatā rahā
ye asar hai ham-nashīñ taqrīr-e-pur-tāsīr kā

faqr par īsār se haiñ mutma.in rūh-o-zamīr
dard-e-dil hai ḳhaas maḳhzan ishq kī jāgīr kā

zarre zarre se hai zāhir shāhid-e-har-do-jahāñ
aa.ina 'bebāk' dil hai ḳhāliq-e-taqdīr kā

sādgī-e-dil pe apnī rashk aatā hai mujhe
ik vafā nā-āshnā se hai vafā kī aarzū

rah ga.e haiñ ab to le de kar dil-e-barbād meñ
hasrat-e-dīdār kā ġham aur terī aarzū

sadā kuchh aisī mire gosh-e-dil meñ aatī hai
koī binā-e-kuhan jaise laḌkhaḌātī hai

ġhuncha-o-gul meñ tāzgī na rahī
ab bahāroñ meñ dilkashī na rahī

ab to qindīl-e-dil karo raushan
bazm-e-hastī meñ raushnī na rahī

saarā mai-ḳhāna kashmakash meñ hai
tarz-e-'maikash' meñ dilkashī na rahī

dekh kar hālat-e-dil un ko taras aa hī gayā
vo bhī ghabrā se ga.e mere taḌap jaane se

tere nāloñ se koī badnām hotā jā.egā
tū bhī ai dil morid-e-ilzām hotā jā.egā

vaj.h-e-nākāmī na hoñ ai dil tirī be-sabriyāñ
sabr se le kaam ḳhud har kaam hotā jā.egā

chhoḌ de ai dil tamannā zindagī kī chhoḌ de
tū halāk-e-gardish-e-ayyām hotā jā.egā

ham rātoñ ko uTh kar rote haiñ ro ro ke duā.eñ karte haiñ
ā.ankhoñ meñ tasavvur dil meñ ḳhalish sar dhunte haiñ aa.heñ bharte haiñ

jī chāhtā hai ik dūsre ko yuuñ aaTh pahar ham yaad kareñ
ā.ankhoñ meñ basā.eñ ḳhvāboñ ko aur dil meñ ḳhayāl ābād kareñ

yuuñ to dil vaale the mahfil thī magar aalam thā ye
us kā jaadū thā jo hairat ke sabab ḳhāmosh the

na pūchho ki ahvāl nā-gufta-bah hai
musībat ke maare hue dil kā apne

dil-e-zaḳhm-ḳhurda ke aur ik lagā.ī
mudāvā kyā ḳhuub ghāyal kā apne

Tak abrū ko merī taraf kiije maa.il
kabhū dil bhī rakh liije maa.il kā apne