Tags-Dil

koī mere dil se pūchhe tire tīr-e-nīm-kash ko
ye ḳhalish kahāñ se hotī jo jigar ke paar hotā

ġham agarche jāñ-gusil hai pa kahāñ bacheñ ki dil hai
ġham-e-ishq gar na hotā ġham-e-rozgār hotā

vo mizāj dil ke badal ga.e ki vo kārobār nahīñ rahā
mirī jaan tere firāq meñ koī sogvār nahīñ rahā

na ḳhirad rahī na junūñ bachā dil-e-pur-ġhurūr ye kyā huā
tujhe apne aap pe ḳhud bhī ab zarā e'tibār nahīñ hai

munāfiqat kā nayā hai ye dil-fareb andāz
mujhe milā mirā dushman bhī āshnā kī tarah

ḳhudāyā jazba-e-dil kī magar tāsīr ulTī hai
ki jitnā khīñchtā huuñ aur khiñchtā jaa.e hai mujh se

barbat-e-dil ke taar TuuT ga.e
haiñ zamīñ-bos rāhatoñ ke mahal

kahā thā kis ne ki lākhoñ ke dil karo pāmāl
jo kah rahe ho ki laale paḌe hinā ke mujhe

ye haath bāñdh ke kahtā hai dil ke zaḳhm kā chor
huzūr yaad haiñ sab hathkañDe hinā ke mujhe

jo chashm-e-dil-rubā ke vasf meñ ash.ār likhtā huuñ
to har har lafz par ahl-e-nazar ik saad karte haiñ

maiñ bhuul bhulayyoñ meñ kahīñ ghuum rahī huuñ
dil ne koī dīvār girā lī hai to kyā hai

jahāñ-sāzoñ ko farzāna ham ahl-e-dil ko dīvāna
zamāna to bahut kahtā rahā ab aap bhī kahiye

vaqt ke saath log kahte the
zaḳhm-e-dil bhī tumhāre hoñge duur

hujūm ham ko sar āñkhoñ pe kyuuñ biThā.e rahā
dil-o-nazar pe hamāre azaab se kuchh haiñ

chale chalo jahāñ le jaa.e valvala dil kā
dalīl-e-rāh-e-mohabbat hai faisla dil kā

havā-e-kūcha-e-qātil se bas nahīñ chaltā
kashāñ-kashāñ liye jaatā hai valvala dil kā

gila kise hai ki qātil ne nīm-jāñ chhoḌā
taḌap taḌap ke nikālūñgā hausla dil kā

ḳhudā bachā.e ki nāzuk hai un meñ ek se ek
tunak-mizājoñ se Thahrā mo.āmla dil kā

dikhā rahā hai ye donoñ jahāñ kī kaifiyat
karegā sāġhar-e-jam kyā muqābla dil kā

havā se vādi-e-vahshat meñ bāteñ karte ho
bhalā yahāñ koī suntā bhī hai gila dil kā