Tags-Dil

qayāmat aa.ī khulā rāz-e-ishq kā daftar
baḌā ġhazab huā phūTā hai aabla dil kā

kisī ke ho raho achchhī nahīñ ye āzādī
kisī kī zulf se lāzim hai silsila dil kā

pyāla ḳhālī uThā kar lagā liyā muñh se
ki 'yās' kuchh to nikal jaa.e hausla dil kā

kahīñ mil na paa.e vo dām-e-fan the jo zehn-o-dil meñ liye hue
vo amīr-e-shahr vo shahr-e-zar kī vo vahāñ bhī to bebasī ga.ī

vo murād-e-ḳhās jo umr bhar rahī jān-o-dil se azīz-tar
hue ham kabhī jo qarīb-tar to jhijhak hī hoñToñ ko sī ga.ī

ġhubār se bharī bojhal fazā hai dil pe muhīt
garaj rahā hai jo sar meñ sahāb ho na kahīñ

ik subū aur ki lauh-e-dil-e-mai-noshāñ par
kuchh nuqūsh-e-sahar-o-shām abhī baaqī haiñ

aur abhī rauñdā nahīñ ai kaf-e-pā-e-tahqīq
dil meñ sau tarah ke auhām abhī baaqī haiñ

kuchh is andāz se māñgā gayā dil
ḳhushāmad kar ke de denā paḌā dil

are dil ai mere dil be-vafā dil
to kyā māñgūñ ḳhudā se dūsrā dil

gile shikvoñ kī kar liije safā.ī
burā kyuuñ kījiye achchhā bhalā dil

hue ḳhāmosh to rulvā ke chhoḌā
agar kī baat to barmā diyā dil

mujhe to baḳhshiye aur jiine diije
mubārak aap hī ko aap kā dil

vo maqtal hī sahī mahfil kisī kī
magar kab māntā hai manchalā dil

na kahne degī ye chashm-e-muravvat
na pūchhe ham se koī kyā huā dil

phir ab kaahe kī hai sāhib-salāmat
tumheñ darkār thā dil de diyā dil

badoñ se bhī nahīñ karte burā.ī
ham aisā sab ko de 'manzar' ḳhudā dil

koī mausam bhī hasb-e-hāl nahīñ
phir bhī dil meñ koī malāl nahīñ

shikva-e-dil meñ raat biit ga.ī
hijr se kam tirā visāl nahīñ

ek zarā sī baat thī jis kī
dil ne saarī umr sazā dī