Tags-Dil

na mānūñgā nāseh ki dil par hai qaabū
lagā kar kisī se dikhāyā to hotā

qadam hai jazb ki sahrā hai rahguzar, qatre
hurūf-e-dil kī tarah Dāltā rahe hai koī

chale aao hujūm-e-shauq le kar
rah-e-dil ab kushāda ho ga.ī hai

ma.ashūq tarah-dār ho andāz ho achchhā
dil aa.e na aise pe to phir dil kā burā ho

chorī kī to kuchh baat nahīñ mujh ko batā do
merā dil-e-betāb agar tum ne liyā ho

hai dil kī jagah siine meñ kāvish abhī baaqī
paikāñ koī pahlū meñ mire rah na gayā ho

jauhar-e-ā.īna dil hai vo tasvīr hai tū
dil vo ā.īna ki tū dekh ke hairāñ ho jaa.e

ishq vo kufr ki īmān hai dil vāloñ kā
aql majbūr vo kāfir jo musalmāñ ho jaa.e

ġham-e-mehsūs vo bātil jise kahte haiñ majāz
dil kī hastī vo haqīqat hai jo uryāñ ho jaa.e

jab se utre haiñ mire dil pe ye ālām-e-zamīñ
āsmāñ jhuk ke rifāqat se mujhe dekhtā hai

dil kī āvāz pe niklā thā baġhāvat ke liye
shahr kā shahr himāyat se mujhe dekhtā hai

rut ne rivāyat ke ruḳh badle har mas.ūd sa.uud gayā
sadqoñ se mafqūd hue dil ma.abad se ma.abūd gayā

nashāt-e-imroz kī qasam hai ki dil ne sab mahfileñ bhulā diiñ
diye the maazī ne daaġh jitne vo ḳhud-ba-ḳhud miTte jā rahe haiñ

ḳhushā ye daur-e-shabāb un kā ye dil-navāz iltifāt un kā
ki be-piye aaj har qadam par mire qadam laḌkhaḌā rahe haiñ

mausam-e-dil jo kabhī zard sā hone lag jaa.e
apnā dil ḳhuun karo phuul ugāne lag jaao

kuchh din se uTh rahī hai dil-o-shahar-e-jāñ se ḳhaak
jab ham hare bhare haiñ to aa.ī kahāñ se ḳhaak

phir bhī ye dil dhaḌak uThā us kī pukār par
go us pe lā ke Daalī thī saare jahāñ se ḳhaak

kal tak harā bharā thā tirā dil mirā dimāġh
ab kaise uḌ rahī hai yahāñ se vahāñ se ḳhaak

shohrat-e-ām meñ zarrīñ tamġhe the dil kī taskīn
lekin qabr ke katbe par kab darj hue in.aam

kuchh aisī bhī dil kī bāteñ hotī haiñ
jin bātoñ ko ḳhalvat kam paḌ jaatī hai