Tags-Dil

agar na aa.eñ nazar na aa.eñ nahīñ hai kuchh bhī ḳhayāl is kā
kahāñ vo jā.eñge muñh chhupā kar hamāre dil meñ jab aa chuke haiñ

ḳhayāl kuchh bhī nahīñ hai tujh ko but-e-parīvash hamārā ham to
tirī mohabbat meñ naqd-e-jān-o-dil-o-jigar bhī luTā chuke haiñ

butoñ ko denā na bhuul kar dil na un pe honā zarā bhī maa.il
nahīñ hai juz rañj un se hāsil tujhe ye 'nādir' jatā chuke haiñ

kis ne sadā dī kaun aayā hai
ai dil tū kyuuñ yuuñ chauñkā hai

yādoñ kī mahfil meñ kho kar
dil apnā tanhā tanhā hai

kar lete alag ham to dil is shoḳh se kab kā
gar aur bhī hotā koī is taur kī chhab kā

kis lutf se hai aa.ina dekh us ke rū-ba-rū
gardūñ na dil meñ ārzū-e-mahr-o-māh rakh

dīvāne chāhtā hai agar vasl-e-yār ho
terā baḌā raqīb hai dil is se raah rakh

dildār ho tū yā ki dil-āzār terā shauq
dil de chukā maiñ ḳhvāh na rakh is ko ḳhvāh rakh

dāvā-e-qatl kar tujhe manzūr hai jo dil
dāmān o teġh-e-yār hī ko tū gavāh rakh

haath ko hirs kī havā se bachā
aañkh ko dil kī tarjumānī de

tum aise be-ḳhabar bhī shaaz hoñge is zamāne meñ
ki dil meñ rah ke andāza nahīñ hai dil kī hālat kā

dil meñ nahīñ ḳhuub mail rakhnā
jo shikva gila ho barmalā ho

us dil kī jalan jo dekh paa.e
sham-e-sozāñ charāġh-pā ho

dil ziist se sard ho gayā hai
ai soz-e-jigar tirā burā ho

har ek lafz meñ siine kā nuur Dhaal ke rakh
kabhī-kabhār to kāġhaz pe dil nikāl ke rakh

dil-o-dimāġh Thikāne pe aane vaale haiñ
ab us kā zikr kisī aur din pe Taal ke rakh

butāñ ke ishq ne be-iḳhtiyār kar Daalā
vo dil ki jis kā ḳhudā.ī meñ iḳhtiyār rahā

ai ḳhalish bol kyā yahī hai ḳhudā
ye jo dil meñ ḳhalā sā rahtā hai

dil nahīñ rakhtā kisī aur tamannā kī havas
aisā ho paa.e to kyā is meñ qabāhat hai mujhe