Tags-Dil

soḳhtagī ne ġham kī asar jo dil meñ kiyā hai hone lagā hai
thoḌā thoḌā rañg dhueñ ke sabza hamārī ḳhaak se paidā

kisī kī muntazir ab dil kī rah-guzār nahīñ
magar mujhe to kisī tarah bhī qarār nahīñ

kho ga.e yaar ham-safar bichhḌe
dil meñ dukh hijr ke utarte rahe

hai yahī ek ziist kā darmāñ
ashk āñkhoñ ke dil meñ girte rahe

dard kī choT dil pe paḌtī rahī
har ghaḌī zaḳhm-e-dil nikharte rahe

dil kī dīvār par Tañgī āñkheñ
dil kī dahlīz par jamā dukh hai

phirte haiñ zaḳhm-e-dil liye sahrāoñ meñ 'majīd'
kyā ḳhvāb dekhte the hasīñ ik mahal ke ham

ḳhāna-e-dil kā jo tavā.if hai
qasd-e-bait-ul-haram se ḳhā.if hai

ai 'muhib' kījiye dil us kī nazar
yahī tohfa yahī tahā.if hai

maiñ mañjdhār meñ Dūbtā huuñ ilāhī
vo dil le ke merā kināre hue haiñ

shauq ke haath bhalā chāñd ko chhū sakte haiñ
chāñdnī dil meñ rahe ye bhī sharaf kyā kam hai

kisī tilism se raushan hai merā dil 'sājid'
dayār-e-ġhaib se utregā koī fan mujh par

jitne armāñ dil meñ the 'maḳhmūr' sab maujūd haiñ
ek bhī to apne markaz se judā hotā nahīñ

ik ġhazal us pe likhūñ dil kā taqāzā hai bahut
in dinoñ ḳhud se bichhaḌ jaane kā dhaḌkā hai bahut

sahl-dil huuñ to mujhe aap hī chalnā hai mahz
apne me.ayār ko so ḳhud se hī pā.inda rakhā

dil-lagī kartī rahī ḳhāk-e-mohabbat mujh se
zindagī maiñ ne tujhe ret kā bāshinda rakhā

jis dil se ubhar rahe the naġhme
pahlū meñ vo aaj nauha-ḳhvāñ hai

fareb-e-qurb-e-yār ho ki hasrat-e-supurdagī
kisī sabab se dil mujhe ye be-qarār chāhiye

qarīb-e-manzil-e-jānāñ surūr-e-dil ke saath
junūñ kī fitna-tarāzī se Dar bhī aa.egā

ai qarya-e-dil dekh guzartī hai isī taur
har shahr pe barbādī-o-zer-o-zabarī meñ