Tags-Dil

dil koh kā ho gayā hai paanī
dariyā sab iztirāb meñ hai

jo dil kā raaz thā use kuchh dil hī pā gayā
vo kar sake bayāñ na hamīñ se kahā gayā

apnā zamāna aap banāte haiñ ahl-e-dil
ham vo nahīñ ki jin ko zamāna banā gayā

dil ban gayā nigāh nigah ban ga.ī zabāñ
aaj ik sukūt-e-shauq qayāmat hī Dhā gayā

sunā hāl-e-dil-e-'majrūh' shab ko
koī hasrat sī hasrat thī bayāñ meñ

dil se niklegī na mar kar bhī vatan kī ulfat
merī miTTī se bhī ḳhushbū-e-vafā aa.egī

mire dil meñ rah ga.ī sirf hairat-e-ā.ina
vo jo naqsh the ḳhad-o-ḳhāl the vo kahāñ ga.e

bevafā kahiye bā-vafā kahiye
dil meñ aa.e jo barmalā kahiye

fāsla qurb kī saa.at meñ simaT saktā thā
sar jhukā thā to tirā dil bhī nigūñ honā thā

yuuñ huā dil-zadgāñ lauT ga.e āḳhir-e-shab
raat to jaag ke kaaTī thī sahar dekh na paa.e

ab aur chalne kā is dil meñ hausla hī na thā
ki shahr-e-shab meñ ujāle kā shā.iba hī na thā

kise kaheñ ki rifāqat kā daaġh hai dil par
bichhaḌne vaalā to khul kar kabhī milā hī na thā

zaḳhm-e-dil kā martaba shāhoñ sā hai
aur dil hai rājdhānī dard kī

ġhamgusāroñ se kinārā kar liyā
dil ne āḳhir baat maanī dard kī

dil hai ki koī chaub-e-tar-o-tāza-o-shādāb
jab aag sulagtī hai to uThtā hai dhuāñ aur

jab shīsha-e-dil par mire zañgār hai aatā
kyā kahiye chamaktā hai mirā dāġh-e-nihāñ aur

yakāyak ik huuk dil meñ uTThī palaT gayā rañg zindagī kā
ba-ḳhair yādash mire laboñ par abhī abhī naam thā kisī kā

jo dil pe paiham hai bārish-e-ġham mohabbateñ ho rahī haiñ mohkam
izāfa kartā hai zindagī meñ jo din guzartā hai zindagī kā

ye dil hai to aafat meñ paḌte raheñge
yuuñ hī eḌiyāñ ham ragaḌte raheñge

ġham-o-dard zevar hai ham āshiqoñ kā
nagīñ daaġh ke dil meñ jaḌte raheñge