Tags-Dil

dil dukhāyā na kisī shaḳhs kā dil toḌā hai
mere hamrāh yahī zād-e-safar jā.egā

sāmne ḳhanjar rakh kar dekheñ
dil hai phuul ki patthar dekheñ

haar ke bhī nahīñ miTī dil se ḳhalish hayāt kī
kitne nizām miT ga.e jashn-e-zafar ke baad bhī

is qadar ġhair hai kyuuñ haal tumhārā ai 'josh'
kabhī dil par to kabhī dam pe banī hotī hai

zabt-e-ġham-e-firāq kī dil meñ kahāñ sakat
zālim ke rūThne kī adā kyā karegī aaj

kise ḳhabar hai ki is tīra-ḳhāk-dāñ ke liye
hai ek dil hī to raushan so Duub jā.egā

ye din bhī aa ga.e ab apne dil pe biitī huī
maiñ ḳhud kahūñgā mujhī ko yaqīñ na aa.egā

ye soch kar ki taġhāful to us kī fitrat hai
maiñ apne dil ko baḌī der tak manātī rahī

hote hote raushan hotā hai chehra
jaate jaate dil se koī jaatī hai

tujhe kuchh bhī ḳhudā kā tars hai ai sañg-dil tarsā
hamārā dil bahut tarsā are tarsā na ab tarsā

faqat tīr-e-nigah se to na dil kī aarzū niklī
tire qurbāñ lagā ab ke koī is se bhī behtar sā

pukārā duur se de kar safīr us ne to kyā merā
dhaḌak kar yak-ba-yak siine meñ dil loTā kabūtar sā

dil kī kahāniyoñ ko nayā moḌ kyuuñ diyā
rishtoñ ke TuuTe shīshe ko phir joḌ kyuuñ diyā

kitnī ThanDī thī havā qarya-e-barfānī kī
jam ga.ī dil meñ kasak shām-e-zamistānī kī

mere tevar pe mirā nām-o-nasab kanda hai
dil kā ā.īna hai taḳhtī mirī peshānī kī

dil de na de magar ye tirā husn-e-be-misāl
vāpas na kar faqīr ko āḳhir badan to hai

na.e zaḳhm haiñ na.ī koñpleñ abhī dil pe ġham kī bahār hai
ye duā karo ki ḳhizāñ meñ bhī ye daraḳht yūñhī harā rahe

jo parind ḳhvāhishoñ ke kabhī ham shikār karte
na gilā kisī se rahtā na ye dil figār karte

huī is qadar nadāmat hameñ kah ke hāl-e-dil ḳhud
na thā ye hamārā maqsad unheñ sogvār karte

na.e āshiqo batāo ye kahāñ kī āshiqī hai
kahīñ jā ke dil luTāte kahīñ jaañ nisār karte