pyaar jaadū hai kisī dil meñ utar jā.egā
husn ik ḳhvāb hai aur ḳhvāb bikhar jā.egā
apnī āñkhoñ ko zarā hadd-e-adab meñ rakhnā
varna dhoke meñ koī jaañ se guzar jā.egā
ab kisī aur kā tum zikr na karnā mujh se
varna ik ḳhvāb jo āñkhoñ meñ hai mar jā.egā
ā.īna TuuTe hue dil kā dikhā duuñ maiñ agar
bevafā ḳhud tirā chehra bhī utar jā.egā
dil dukhāyā na kisī shaḳhs kā dil toḌā hai
mere hamrāh yahī zād-e-safar jā.egā