Tags-Dil

asīr-e-halqa-e-zanjīr-e-jāñ huā hai ye dil
kisī pe ronā kahāñ mehrbāñ huā hai ye dil

ik iztirāb-e-musalsal meñ kaT rahī hai hayāt
shikār-e-sāzish-e-sūd-o-ziyāñ huā hai ye dil

jabīñ ba-ḳhāk nahum chashm bar-sitāra-e-sub.h
kabhī zamīn kabhī āsmāñ huā hai ye dil

bahut dinoñ se thī maddham charāġh-e-dard kī lau
ḳhud apnī aañch se sho.ala-ba-jāñ huā hai ye dil

ḳhumār-e-hijr thā aisā ukhaḌ ga.iiñ sāñseñ
giraft-e-dard thī aisī fuġhāñ huā hai ye dil

jahāñ ne dekhā nahīñ aisā girya-o-mātam
jab apnī maut pe nauha-kunāñ huā hai ye dil

hamārā kyā hai ki bas ham haiñ ek musht-e-ġhubār
khulī fazā jo milī pur-fishāñ huā hai ye dil

ajab qayām-o-safar kā hai marhala 'mohsin'
Thahar ga.ī hai nazar to ravāñ huā hai ye dil

dil meñ chhed kar ḳhuun kī būñdoñ se har reza bhare
TuuT kar ban jaa.eñ būñde kī kaTārī chūḌiyāñ

kyuuñ na nikle nok ḳhūñ-rezī ke har andāz meñ
lauT kar bhī dil meñ chubhtī haiñ tumhārī chūḌiyāñ

ḳhuun kī būñdeñ banī haiñ chunniyāñ yāqūt kī
dil meñ chubh kar de rahī haiñ zaḳhm-e-kārī chūḌiyāñ

dekh lo ai gul-ruḳho murġhān-e-dil pāband haiñ
baal ke phañde kī sūrat haiñ tumhārī chūḌiyāñ

vo shoḳh jo guzre misl-e-sabā, to bhaḌke na kyūñ-kar ātish-e-dil
ik taur kī us kī jumbish-e-pā, dāman kī jhaTak phir vaisī hī

dil kyuuñ na kare siine meñ tapish, jab yaar kī ho ye rāh-o-ravish
raftār meñ ik albelī adaa, aur qad kī lachak phir vaisī hī

ai 'mus.hafī' mere haal pe ab kyūñ-kar na koī afsos kare
be-sāḳhta dil betāb huā aañsū kī Dhalak phir vaisī hī

āñkheñ chamkā gayā vo barq-āsā
dil mirā vaqf-e-be-qarārī hai

dil pe chaḌhtī nahīñ koī tadbīr
merī taqdīr vo utārī hai

dil kī masarrateñ na.ī jaañ kā malāl hai nayā
merī ġhazal meñ aaj phir ek savāl hai nayā

ab jo khile haiñ dil meñ phuul un kī bahār hai na.ī
ab jo lagī hai dil meñ aag us kā jalāl hai nayā

dil ajab patthar hai paanī se pighal jaa.e kahīñ
aur kabhī jo aag meñ rakh dījiye rotā nahīñ