Tags-Dil

ho rāz-e-dil na yaar se poshīda yaar kā
parda na darmiyāñ ho jo dil ke ġhubār kā

bujhne kī dil kī aag nahīñ zer-e-ḳhāk bhī
hogā daraḳht gor pe merī chīnār kā

hai dil kī daao ghaat meñ mizhgāñ se chashm-e-yār
hai shauq us kī TaTTī kī ojhal shikār kā

ab bhī āyatoñ kī tarah utarte haiñ
aur dil un kī tartīl kartā rahtā hai

vo dard uThā dil meñ ki jis dard kā darmāñ
gar ho na pas-e-lafz to miltā hai sar-e-dār

na rakh ai abr tū sar par hamāre baar minnat kā
vo bādal aur haiñ jo aag ko dil kī bujhā jaane

na rakh ai dil tū ummīd-e-vafā in be-vafāoñ se
ḳhudā se hai vo begāna jo but ko āshnā jaane

dil sulagtā hai sulagtā rahe jaltā hai jale
aisī bātoñ se bhalā ishq meñ bantā kyā hai

aql samjhā.egī bahlā.egī phuslā.egī
dil kī chhalnī se magar dekhiye chhantā kyā hai

saare rishte ret kī dīvār the mausam ke phuul
baat kā sachchā yahāñ dil kā kharā koī na thā

tum aa jaate to achchhā thā magar ab
mire dil meñ yahī ik aas kab hai

saath is ke pale haiñ lākhoñ dil
kyuuñ na rañg-e-hinā lahū se mile

vaah ye shakl ye daġhā-bāzī
dil kasū kā liyā kasū se mile

nākām-e-nashāt-e-aish-o-ḳhushī har vaqt ke ranj-o-ġham ne kiyā
jo tum ne kahā vo dil ne kiyā jo dil ne kahā vo ham ne kiyā

ġharq na kar dikhlā kar dil ko kaan kā baalā zulf kā halqa
bahr-e-husn ke haiñ ye bhañvar do kaan kā baalā zulf kā halqa

āhū-e-dil aur tā.ir-e-jāñ ke haq meñ ye donoñ phande haiñ
ham ko dikhā kar tum na chhupāo kaan kā baalā zulf kā halqa

taish-zanī meñ ye aqrab hai kaalā hai vo kunDlī maare
hazrat-e-dil baaz aao na chheḌo kaan kā baalā zulf kā halqa

kis ko hisār-e-husn kahūñ maiñ kis ko ḳhat-e-parkār kahe dil
muñh se ulaT burqā ko dikhā do kaan kā baalā zulf kā halqa

yuuñ be-ruḳhī se pesh na aa ahl-e-dil ke saath
uTh kar chale na jaa.eñ tirī anjuman se ham

faqat ḳhulūs meñ shiddat kī baat hai ya.anī
maqām dil meñ hai aur be-safar bhī aatā hai