Tags-Dil

'ravish' ye ḳhush-āhañg rañg-e-ġhazal
dil-āvez hai rañg-e-hasrat ke ba.ad

ab ye sāzish hai ki likkhe na koī qissa-e-dil
lafz rah jaa.e magar koī suḳhan-var na rahe

vo umañgeñ nahīñ ab vo dil-e-nāshād nahīñ
vāqi.a ḳhvāb sā kuchh yaad hai kuchh yaad nahīñ

kaun se zarre pe duniyā-e-ġham ābād nahīñ
dil-e-barbād hamārā dil-e-barbād nahīñ

ab to har samt nazar aate haiñ jalve jalve
be-ḳhudī meñ koī parda dil-e-nāshād nahīñ

ajab shikast kā ehsās dil pe chhāyā thā
kisī ne mujh ko nishānā nahīñ banāyā thā

ulajh gayā huuñ kuchh aisā ki yaad bhī to nahīñ
ye vahm pahle-pahal kaise dil meñ aayā thā

bosa dete nahīñ aur dil pe hai har lahza nigāh
jī meñ kahte haiñ ki muft aa.e to maal achchhā hai

ham ko ma.alūm hai jannat kī haqīqat lekin
dil ke ḳhush rakhne ko 'ġhālib' ye ḳhayāl achchhā hai

zindagī ke saaz par jalte hue naġhmāt haiñ
raqs-farmā sho.ala-e-dil kī tarah zarrāt haiñ

ham ki the dildārī-e-mauj-e-havādis par nisār
shor-e-tūfāñ se ayādat dil-nashīñ jazbāt haiñ

dil ne ābād kiyā ishq-ābād
ḳhaak ho kar usī bastī se uThā

dil usī dard kī zulfoñ kā asiir
haa.e vo dard jo paslī se uThā

tirī nazar kā gila kyā jo hai gila dil kā
to ham se hai ki tamannā ziyāda rakhte haiñ

ġham-e-jahāñ ho ġham-e-yār ho ki tīr-e-sitam
jo aa.e aa.e ki ham dil kushāda rakhte haiñ

dil ajnabī des meñ lagā hai
āñdhī se diye kā rābta hai

tohmat-e-jurm-o-ḳhatā hirs-o-havā ġhaflat-e-dil
ham ne bāzār se hastī ke liyā kyā kyā kuchh

na to be-karāni-e-dil rahī na to madd-o-jazr-e-talab rahā
tire baad bahr-e-ḳhayāl meñ na ḳharosh uThā na ġhazab rahā

chhoḌā nahīñ banā.e banā zimme jo bhī thā
phir bhī nahīñ kuchh aisā ki be-dil banā liyā

yuuñ dil hai sar-ba-sajdā kisī ke huzūr meñ
jaise ki ġhota-zan ho koī bahr-e-nūr meñ