Tags-Dil

jab aisā husn qayāmat ho betāb na ho dil kyūñki 'nazīr'
jaan par apnī kheleñge ik roz ye ham ne jaanā hai

jo yaad aa.eñ to dil ġham se phaTne lagtā hai
kisī aziiz kī palkoñ meñ vo jaḌe aañsū

jabr-e-dil-e-be-mehr kā charchā nahīñ hotā
tārīki-e-shab meñ koī chehra nahīñ hotā

na chaak kar dil-e-be-tāb ko mire zālim
nikal ke ho kahīñ rusvā na aarzū terī

koī bhī dil meñ zarā jam ke ḳhaak uḌātā to
hazār gauhar-e-nāyāb dekh saktā thā

jab maiñ us kā huuñ to pūchhte kyuuñ ho ye dil kis kā hai
naukar bhī us ke hoñge jab bañgla hai shahzādī kā

mere ash.ār meñ sadiyoñ ke talātum kā shu.ūr
kaash tū un ko zarā dil meñ utar jaane de

phir murġh-e-dil ko phāñsiye phir jaal māriye
phir ho sake to aap se gesū sañvāriye

dil de ke jaur-o-zulm kā shikva na kījiye
do din kī zindagī kisī Dhab se guzāriye

us but ke bahr-e-husn meñ dil ko Duboiye
is kashtī-e-hayāt ko yuuñ paar utāriye

jiite jo zof ho kar zaḳhm-e-rasā se us ke
siine ko chaak dekhā dil ko figār paayā

shahr-e-dil ek muddat ujḌā basā ġhamoñ meñ
āḳhir ujaaḌ denā us kā qarār paayā

itnā na tujh se milte ne dil ko kho ke rote
jaisā kiyā thā ham ne vaisā hī yaar paayā

band āñkhoñ se na husn-e-shab kā andāza lagā
mahmil-e-dil se nikal sar ko havā taaza lagā

rahm khā kar 'arsh' us ne is taraf dekhā magar
ye bhī dil de baiThne kā mujh ko ḳhamyāza lagā

ab koī bhī rut bhātī nahīñ dīda-e-dil ko
lagte haiñ sabhī zahr nazāre use kahnā

mumkin hai mire lauT ke aane kā tasavvur
ik baar mujhe dil se pukāre use kahnā

ik dāġh-e-dil ne mujh ko diye be-shumār daaġh
paidā hue hazār charāġh is charāġh se

jamegī kaise bisāt-e-yārāñ ki shīsha o jaam bujh ga.e haiñ
sajegī kaise shab-e-nigārāñ ki dil sar-e-shām bujh ga.e haiñ

qarīb aa ai mah-e-shab-e-ġham nazar pe khultā nahīñ kuchh is dam
ki dil pe kis kis kā naqsh baaqī hai kaun se naam bujh ga.e haiñ