Tags-Dil

ho ga.ī sub.h badalte rahe pahlū shab bhar
ek karvaT pe dil-e-zār ne sone na diyā

ma.ashūq kaun sā hai na ho dil meñ jis kī yaad
is muḳhtasar se baaġh meñ kis gul kī bū nahīñ

piirī hai āshiqī kā maza jā chukā 'rashīd'
vo ham nahīñ vo dil nahīñ vo aarzū nahīñ

raat ke ba.ad raat aa.egī
dil se jaatā hai kab ye Dar dekho

kuchh to jagah hai mirī dil meñ bhī us ke varna
ġhairoñ ko yuuñ koī pahlū meñ makāñ detā hai

dil o jaañ mujh se vo māñge hai bahā-e-bosa
hai to saudā bahut achchhā pe girāñ detā hai

jaan darvāze par us ke hī maiñ jā kar dūñgā
iztirāb-e-dil agar mujh ko amaañ detā hai

ham dil-e-dostāñ meñ rahte haiñ
tum to apne makān meñ bhī nahīñ

yuuñ hī ik raat use dil se nikālā kyā thā
phir mujhe raas koī raat na aa.ī ghar meñ

'pāshī' dil ko chain na aa.e ghereñ un kī yaad ke saa.e
raat aa.e to ghabrātā huuñ raat mujhe pāgal kartī hai

ab koī merā nahīñ mere sivā
aaj apne-āp dil ko toḌ luuñ

ḳharīdār paidā na ho koī us kā
ki dil bech kar ham ne dukh jis se paayā

lagāvaT ye kuchh kar ke phir kyā ġhazab hai
mirā lag gayā dil to parda lagāyā

dahr meñ ab muskurāne kī hameñ fursat nahīñ
dil hujūm-e-ġham banā ġham āh-e-afsāna huā

kisī sūrat bhī niiñd aatī nahīñ maiñ kaise so jā.ūñ
koī shai dil ko bahlātī nahīñ maiñ kaise so jā.ūñ

tirī tasvīr jo TuuTe hue dil kā sahārā thī
nazar vo saaf ab aatī nahīñ maiñ kaise so jā.ūñ

ghaTā jo dil se uThtī hai mizha tak aa to jaatī hai
magar aañkh us ko barsātī nahīñ maiñ kaise so jā.ūñ

dil hai ki justujū ke sarāboñ meñ qaid hai
varna har ek chehra naqāboñ meñ qaid hai

suune paḌe haiñ dil ke dar-o-bām in dinoñ
jalvoñ kā ehtimām hijāboñ meñ qaid hai

sab hī kuchh us se na kahnā thā jo tere dil meñ thā
shiddat-e-iz.hār meñ tū ne 'farāsat' kyā kiyā