Tags-Dil

phir ek baar azāb-e-shikastagī se guzar
phir us ke dar pe dil-e-nā-subūr dastak de

chhe din to baḌī sachchā.ī se sāñsoñ ne payām-rasānī kī
ārām kā din hai kis se kaheñ dil aaj jo sadme sahtā hai

jān-o-dil meñ se nahīñ ek bhī ab nek-nasīb
donoñ kam-baḳht hue aa ke baham yā qismat

tund maujoñ kī tarah aaj purānī yādo!
kashti-e-dil ko kahīñ duur bahā le jaao

kar sake dafn na us kūche meñ ahbāb mujhe
ḳhaak meñ dil kī kudūrat ne diyā daab mujhe

qāsid aayā hai vahāñ se to zarā tham ai hosh
baat to karne de us se dil-e-betāb mujhe

dil-girafta tanavvo hai zindagī kā usuul
makāñ kā zikr to kyā lā-makāñ badal Daalo

vo jo dil meñ tūfāñ thā
qatra qatra barsā thā

juz tire ḳhud bhī maiñ taslīm nahīñ huuñ ḳhud ko
dil se pūchhūñ bhī to inkār nikal aate haiñ

pise haiñ dil ziyāda-tar hinā se
chalā do gaam bhī jab vo adā se

'nizām' ab uqda-e-dil kyuuñ na hal hoñ
mohabbat hai tujhe mushkil-kushā se

ye husn kā dhokā bhī dil ke liye kaafī thā
chhūne ke liye kab thī mahtāb kī ūñchā.ī

sarmāya-e-dil āḳhir aur is ke sivā kyā hai
har dard se rishta hai har ġham se shanāsā.ī

patthar sā haTe dil se kuchh mujh ko bhī kahne do
go talḳh to guzregī tum ko mirī sachchā.ī

ilāj-e-dard-e-dil-e-sogvār ho na sakā
vo ġham-navāz rahā ġham-gusār ho na sakā

atā kiyā jise tū ne ġham-e-mohabbat-e-dost
vo dil asīr-e-ġham-e-rozgār ho na sakā

dūd-e-dil se hai ye tārīkī mire ġham-ḳhāna meñ
sham.a hai ik sozan-e-gum-gashta is kāshāna meñ

gosha-e-dil kī ḳhamoshī ghar meñ bhī miltī nahīñ
ghar ke hañgāme bhī kam hote nahīñ bāzār se

shahr ke zindāñ ne pahnā diiñ vo zanjīreñ mujhe
merī vahshat ko mayassar dil kā sahrā bhī nahīñ

karb kā sūraj sivā neze pe hai Thahrā huā
dil mirā hai barf-zār aisā pighaltā bhī nahīñ