Tags-Dil

ek din maiñ tujhe niDhāl karūñ
dil meñ itnā inaad rah jaa.e

Dhe ga.iiñ jab tamām buniyādeñ
kyuuñ dil-e-kaj-nihād rah jaa.e

pesh-e-chashm-e-junūñ faroshinda
dil-e-vahshat-nazhād rah jaa.e

baḌhā.e dostī kā haath dushman bhī tah-e-dil se
lagā lete haiñ siine se ḳhushī se baat karte haiñ

zāhir kī aañkh se na tamāshā kare koī
ho dekhnā to dīda-e-dil vā kare koī

lahr sī duur tak uThī dil meñ
aaj phir yaad aap kī aa.ī

kahāñ bijlī meñ ye betābiyāñ thiiñ
dil-e-muztar kī parchhā.īñ paḌī hai

haañ junūñ-ḳhezī-e-dil rehn-e-masarrat na huī
ḳhush huī vahshat-e-ġham jab rasan-o-dār mile

nāla-e-dil charāġh-e-raushan hai
koh-e-ātish-fashāñ kī hai ye lipaT

sāre-jahāñ ko dil se bhulātā rahā huuñ maiñ
bas yaad terī dil meñ basātā rahā huuñ maiñ

dīvār-o-dar ke dil ke nazar ke ḳhayāl ke
har aa.ine se ḳhud ko chhupātā rahā huuñ maiñ

be-ḳhvāb surḳh āñkhoñ ne sab kuchh batā diyā
kal raat dil meñ dard kā tūfān thā bahut

qat-e-nazar ke ba.ad bhī akasr baḌh jaatī hai dil kī dhaḌkan
aañkh uThā.e kyā bantā hai dil hī uThāo dīvāroñ se

mire dil ke kisī kone meñ ik ma.asūm sā bachcha
baḌoñ kī dekh kar duniyā baḌā hone se Dartā hai

vahī qissa mire dil kā
dil-e-vahshat-zada par bādaloñ kī tarah us umḌe hue be-nām mausam kā

achchhā jo burā aap ne chāhā na kisī kā
dīvāna kyuuñ na ho dil-e-farzāna kisī kā

maanā ki hai us shoḳh se yārāna kisī kā
dam bhartā hai phir kyuuñ dil-e-dīvāna kisī kā

aate nahīñ is rashk se vo ḳhāna-e-dil meñ
ābād na ho jaa.e ye vīrāna kisī kā

ai dil hai abas us se tamannā-e-mulāqāt
vo shoḳh na hogā kabhī apnā na kisī kā

jaane se tire aa.e mire dil meñ ġham-o-rañj
pahle to sivā tere guzar thā na kisī kā