Tags-Dil

har dam dil kī shāḳh laraztī rahtī thī
zard havā lahrā.ī qissa paak huā

havas kā naam ishq hai talab ḳhudī kā naam hai
nazar udaas dil malūl ruuh tishna-kām hai

vo kahāñ vaqt ki moḌeñge inaañ aur taraf
dil kisī aur taraf hai to zabāñ aur taraf

zamīn-e-shor ho yā ho zamīn-e-sher ai dil
nahīñ hai koī ḳharīdār in zamīnoñ kā

kisī ko maan liyā dil ne jab to maan liyā
na daḳhl do yahī maslak hai ḳhush-yaqīnoñ kā

is qadar raas aa ga.ī haiñ zaat kī vīrāniyāñ
ḳhud ye ḳhvāhish ho rahī hai dil kā sannāTā na jaa.e

jis se dil vābasta ho be-intihā shiddat ke saath
bhuul kar bhī us ta.alluq ko kabhī parkhā na jaa.e

dil kī duniyā ajiib duniyā hai
aql ke us pe kuchh na zor chaleñ

āḳhir vo iztirāb ke din bhī guzar ga.e
jab dil-e-harīf-e-ātish-e-qahr-o-itāb thā

vaañ e'timād-e-mashq-e-siyāsat kī had na thī
yaañ e'tibār-e-nāla-e-dil be-hisāb thā

jaltā hai tez tez taḌaptā hai pai-ba-pai
dil hai ki ek shola-e-larzāñ tire baġhair

guzartī hai jo dil par vo kahānī yaad rakhtā huuñ
maiñ har gul-rañg chehre ko zabānī yaad rakhtā huuñ

ye kaisī sargoshī-e-azal sāz-e-dil ke parde hilā rahī hai
mirī samā.at khanak rahī hai ki terī āvāz aa rahī hai

kis taraf haa.e mire dil mirā lashkar chhūTā
mirā kumba mirā ḳhema mirā ghar bhar chhūTā

likh liyā kartā thā jo dil pe guzartī thī magar
aisī kuchh guzrī qalam haath se lag kar chhūTā

sāneha ek nahīñ saiñkaḌoñ daftar meñ 'zahīr'
zikr us kā hai jahāñ dil sā musāfir chhūTā

na gumān maut kā hai na ḳhayāl zindagī kā
so ye haal in dinoñ hai mire dil kī be-kasī kā

maiñ havāoñ se hirāsāñ vo ghuTan se dil-girafta
maiñ charāġh tīrgī kā vo gulāb raushnī kā

phir kisī ne aaj chheḌā zikr-e-manzil is tarah
dil ke dāman se lipaTne aa ga.ī haiñ dūriyāñ

jab chāñd mirā nahā ke niklā
maiñ dil ko diyā banā ke niklā