Tags-Dil

koī pūchhegā to ab khul ke batā saktā huuñ
mere dildār sā hotā hai jī dildār kā rañg

aao ham hañste uTheñ bazm-e-dil-āzārāñ se
kaun ehsās ko bīmār banā kar uTThe

jo dī haiñ ne.amateñ yārab to phir haqq-e-tasarruf de
nazar apnī dimāġh apnā hai dil apnā nahīñ hotā

sirf tum dil kī tabāhī kā sabab kyā hote
baḳht-e-nā-sāz kī sāzish kā gumāñ hotā hai

nazar-e-taġhāful-e-yār kā gila kis zabāñ siiñ karūñ bayāñ
ki sharāb-e-sad-qadah aarzū ḳhum-e-dil meñ thī so bharī rahī

mire dil ko mohabbat ḳhuub garmā.e to achchhā ho
ḳhalish baḌh kar ilāj-e-dard ban jaa.e to achchhā ho

añdherī shab hai sham-e-dil farozāñ kījiye yaaro
sitāroñ kī chamak kuchh aur baḌh jaa.e to achchhā ho

zabāñ par baat bhūle se na aa.e shikva-e-dil kī
taġhāful par kabhī un ke na harf aa.e to achchhā ho

haqīqat ḳhud ko manvā le zabān-e-be-zabānī se
ḳhud un kā dil nigāhoñ se jo sharmā.e to achchhā ho

jab bhī 'āzar' dil se niklī koī baat
dil kī gahrā.ī meñ tah-dar-tah ga.ī

dil meñ kahte haiñ ki ai kaash na aa.e hote
un ke aane se jo bīmār kā haal achchhā hai

sub.h-e-kāzib kī havā meñ dard thā kitnā 'munīr'
rail kī siiTī bajī to dil lahū se bhar gayā

apnā dil bahlāūñ kis se
hai kaun aane jaane vaalā

dil vo shai hai jis kā shākī
khone vaalā paane vaalā

kyā samjhe asrār-e-mohabbat
dil de kar pachhtāne vaalā

jaan mirī hai jaane vaalī
dil hai un par aane vaalā

yā maiñ huuñ yā merā dil hai
roz nayā ġham paane vaalā

to mast shab añdherī aur aġhyār saath hai
jo dil meñ aave kah ye gunahgār saath hai

uqda na ye khulā ki mire dil sā pahlavān
tujh zulf ke bañdhā huā ik taar saath hai

karte to ho mire maraz-e-dil kā tum ilaaj
yaaro jo dil yahī hai to āzār saath hai