Tags-Dil

dil kī bātoñ ko dil samajhtā hai
dil kī bolī ajiib bolī hai

zamāna guzrā hai tūfān-e-ġham uThā.e hue
ġhazal ke parde meñ rūdād-e-dil sunā.e hue

hamāre dil ke sabhī raaz faash karte haiñ
jhukī jhukī sī nazar hoñT kapkapā.e hue

hamāre dil ke andheroñ kā ġham na kar hamdam
hamāre dam se ye raste haiñ jagmagā.e hue

shumār-e-roz-o-shab-o-māh kis ne rakkhā hai
hazāroñ saal hue un ko dil meñ aa.e hue

ise jalā ke use aag dī burā na kiyā
jigar jo rakhte the āḳhir vo dil ko kyā karte

vahāñ dil le chalā hai phir vahī ik baat kahne ko
kahī jaatī hai jo aksar magar maanī nahīñ jaatī

ḳhudāvandā phir āḳhir kyā tamannā hai mire dil kī
vo pahlū meñ bhī haiñ lekin pareshānī nahīñ jaatī

dil ke har goshe meñ jal uTThe haiñ zaḳhmoñ ke charāġh
allāh allāh ik masīhā kī masīhā.ī ke rañg

is adā se aa ga.e haiñ vo nazar ke rū-ba-rū
aur gahre ho ga.e haiñ is dil kī bīnā.ī ke rañg

kāñTe sī ḳhud merī shohrat har-pal dil meñ chubhtī hai
fan ko khel-tamāshā samjhā maiñ bhī kaisā pāgal huuñ

ham vo barbād-e-mohabbat haiñ ḳhudā shāhid hai
aag dil meñ jo lagī ho to bujhāte bhī nahīñ

vo aa rahe haiñ vo jā rahe haiñ mire tasavvur pe chhā rahe haiñ
kabhī haiñ dil meñ kabhī jigar meñ kabhī nazar meñ samā rahe haiñ

jigar ko rokūñ yā dil ko thāmūñ ilāhī kis kis ko maiñ sambhālūñ
mire tasavvur kī anjuman meñ vo aaj ban-Than ke aa rahe haiñ

lagā.ī dil meñ kuchh aisī tū ne ye ātish-e-sozish-e-mohabbat
bhaḌak rahī hai ye utnā paiham ham us ko jitnā bujhā rahe haiñ

kisī kī yaad ne taḌpā diyā phir aa ke hameñ
huī thī der na kuchh dil se mashvarā karte

nigāh-e-lutf kī taskīñ kā shukriyā lekin
matā-e-dard ko kis dil se ham judā karte

dil kī miTTī kī zarḳhezī aisī hai ki
kaisī bhī ho chiiz ugaa.ī jā saktī hai

dil kī baazī aisī baazī hai jis meñ ham
hāreñ bhī to jiit manā.ī jā saktī hai

vo ranjish ko bhulā dene meñ dariyā dil
magar is baat kā abbā jo kahte the mirā beTā sipāhī hai