Tags-Dil

Thikāna mil gayā ham ko tumhāre dil meñ āḳhir
ki is se qabl to apnā makāñ koī nahīñ thā

ḳhud apne dil se miTā dī hai ḳhvāhish-e-parvāz
uḌā diyā hai magar us ko apne par de kar

mere siine meñ nahīñ hai to ye samjho ki na thā
pūchhte kyā ho jo hotā to yahīñ dil hotā

miyāñvālī bhī apnī rut badaltā hai magar
mire dil kī zamīnoñ par

aa.ī jo terī yaad to āñkheñ baras paḌīñ
is vaqt tere dard kā dil par nuzūl hai

ik dūsre ke vāste donoñ bane 'vasī'
gul-dān merā dil hai tirī yaad phuul hai

kaisā hī dost ho na kahe rāz-e-dil koī
niklī jo baat muñh se to phailī jahān meñ

āshiq se pūchhiye na sar-e-bazm hāl-e-dil
parde kī baat sunte haiñ chupke se kaan meñ

yārān-e-safar haiñ tez-qadam ai kashmakash-e-dil kyā hogā
ruktā huuñ to bichhḌā jaatā huuñ chaltā huuñ to chalnā mushkil hai

likhte rahe ḳhūn-e-dil se jise tā.īd-e-nigāh-e-dost meñ ham
'iqbāl' ab us afsāne kā unvān badalnā mushkil hai

hoñT par taale lagā kar chhīn letī hai qalam
zahar-e-dil duniyā ugalne hī nahīñ detī mujhe

ham ne laale kī tarah is daur meñ
aañkh kholī thī ki dekhā dil kā ḳhuuñ

umaD rahā hai paḌā dil meñ shauq zulfoñ kā
ye jhuum jhuum ke kaalī ghaTā nahīñ aa.ī

nahīñ ki dil meñ hamesha ḳhushī bahut aa.ī
kabhī taraste rahe aur kabhī bahut aa.ī

dil mirā tīr-e-sitamgar kā nishāna ho gayā
āfat-e-jāñ mere haq meñ dil lagānā ho gayā

dil jalāyā sūrat-e-parvāna jab se ishq meñ
farz tab se sham.a par aañsū bahāna ho gayā

aaj tak ai dil javāb-e-ḳhat na bhejā yaar ne
nāma-bar ko bhī ga.e kitnā zamāna ho gayā

ho pareshānī sar-e-mū bhī na zulf-e-yār ko
is liye merā dil-e-sad-chāk shāna ho gayā

ek be-nām sī uljhan hai dil-o-jāñ pe muhīt
ek ġham naam sā ehsās-e-ziyāñ aaj bhī hai

maqtal-e-ārzū hai dil 'vājid'
har tamannā lahū lahū hai yahāñ