Tags-Dil

ushshāq ke dil nāzuk us shoḳh kī ḳhū nāzuk
nāzuk isī nisbat se hai kār-e-mohabbat bhī

rakhte haiñ mire dil par kyuuñ tohmat-e-betābī
yaañ nāla-e-muztar kī jab mujh meñ ho quvvat bhī

har-chand hai dil shaidā hurriyat-e-kāmil kā
manzūr-e-duā lekin hai qaid-e-mohabbat bhī

kuude haiñ us ke sehn meñ do-chār sher-dil
ham facebōk kī wall se aage nahīñ ga.e

zehn-o-dil par savār rahtī hai
shā.irī bhī usī ke jaisī hai

makr-o-fareb le kar har shaḳhs dekhtā hai
dil sab se bhar gayā hai tanhā.ī chāhtā hai

dil dekhtā rahā hai us paar kā sitāra
is paar dekhne ko bīnā.ī chāhtā hai

tire ġham se dil shādmāñ dekhtā huuñ
tujhe rāhat-e-jāvedāñ dekhtā huuñ

kis kī sūrat dekh kar paa.e qarār-o-chain dil
iid bhī 'siddīq' kī be-kār hai tere baġhair

shajar-e-ummīd bhī jal gayā vo vafā kī shāḳh bhī jal ga.ī
mire dil kā naqsha badal gayā mirī sub.h raat meñ Dhal ga.ī

na vo aarzū hai na justujū na koī tasavvur-e-rañg-o-bū
liye dil meñ dāġh-e-ġham-e-ḳhizāñ maiñ chaman se duur nikal ga.ī

vahī sā.at-e-ġham-e-ārzū jo hamesha dil meñ basī rahī
hai ḳhudā kā shukr ki 'āfrīñ' vo hamāre sar se to Tal ga.ī

dāman qarār-e-dil ke sab taar taar dekhe
jab terī vādiyoñ ke kuchh ābshār dekhe

gul-rez sarzamīñ meñ vo dil-farebiyāñ haiñ
jo ek baar dekhe vo baar baar dekhe

bharā hai shīsha-e-dil ko na.ī mohabbat se
ḳhudā kā ghar thā jahāñ vaañ sharāb-ḳhāna huā

jis meñ junūn-e-shauq na ho āshiqī nahīñ
dil kā mo.āmla hai koī dil-lagī nahīñ

un ke dil meñ bhī koī khoj to pinhāñ hogī
ye parinde jo havāoñ meñ uḌā karte haiñ

soz-e-dil shāmil-e-suḳhan kar leñ
lafz rakhte nahīñ asar tanhā

dilkash mujhe banāyā musavvir ne jaane kyoñ
jo bandishoñ ke frame meñ har dam jaḌī rahī

aag ho dil meñ to āñkhoñ meñ dhanak paidā ho
ruuh meñ raushnī lahje meñ chamak paidā ho