Tags-Dil

ai dostān-e-jānī dil siiñ karo tavajjoh
tā-jān paas apne pahuñche badan hamārā

mānind-e-kohkan hai be-kal 'sirāj' kā dil
shāyad ki maan leve shīrīñ-suḳhan hamārā

apne kiye ko aa ke zarā dekh tīr-gar
tar ḳhūn-e-dil se daman-e-naḳhchīr ho gayā

phir pesh aa gayā vahī dilchasp hādisa
dil phir kisī ke daam meñ tasḳhīr ho gayā

mirī be-ḳhvāb āñkhoñ meñ Kyayāl-e-sub.h-e-fardā hai
dil-e-bedār kī ḳhāmoshiyāñ kuchh aur kahtī haiñ

bār-hā aisā huā hai yaad tak dil meñ na thī
bār-hā mastī meñ lab par un kā naam aa hī gayā

daaġh dāman ke hoñ dil ke hoñ ki chehre ke 'farāz'
kuchh nishāñ umr kī raftār se lag jaate haiñ

ehsās-e-ḳhushī miT jaatā hai afsurda tabī.at hotī hai
dil par vo ghaḌī bhī aatī hai jab ġham kī zarūrat hotī hai

sar meñ liye tirī havā āzim-e-shahr-e-dil chalā
nik.hat-e-gul ke ham-rikāb mauj-e-sabā ke saath saath

maiñ bhī mushkil se uThā rashk bhī mushkil se uThā
dil vahīñ baiTh gayā jab tirī mahfil se uThā

malāl hote hue dil pe kuchh malāl nahīñ
ḳhayāl-e-dost se achchhā koī ḳhayāl nahīñ

ye aur baat taras hī na ho kisī dil meñ
chhupā huā to zamāne se merā haal nahīñ

vo ālam-e-bālā to tire dil meñ makīñ hai
jis ālam-e-bālā kā havāla nahīñ miltā

ye kuchh āsār haiñ ik ḳhvāb-shuda bastī ke
yahīñ bahtā thā vo dil naam kā dariyā sāhab

sahal mat jaan ki tujh ruḳh pe ḳhudā hote hue
dil huā jaatā hai gard-e-rah-e-duniyā sāhab

ābshāroñ kī jagah dil meñ kisī ke shab-o-roz
ḳhaak uḌtī ho to vo ḳhaak likhegā sāhab

sab karam hai tire andāz-e-sitam se ai dost
zauq-e-ġham dil ko na thā tere sitam se pahle

dil hameñ tum se lagānā hī na thā
ab safar baar hai kyā honā hai

auroñ se chhuTe dilbar dil-dār hove merā
bar-haq haiñ agar pairav kuchh tum meñ karāmāteñ

gulāb chehroñ se dil lagānā vo chupke chupke nazar milānā
vo ārzūoñ ke ḳhvāb bunñā vo qissa-e-nā-tamām likhnā