Tags-Dil

apne dil meñ geñd chhupā kar un meñ shāmil ho jaatā huuñ
DhūñDte DhūñDte saare bachche mere andar aa jaate haiñ

roz nikal jaate haiñ ḳhālī ghar se ḳhālī dil ko le kar
aur apnī ḳhālī turbat par phuul sajā kar aa jaate haiñ

huā to hai tere hijr meñ dil hamārā jal kar kabāb saaqī
kasar agar hai to itnī hī hai ki puḳhta aadhā hai ḳhaam aadhā

yahāñ to dil ko mire jalāyā vahāñ jalā.eñge jism merā
ye hashr par kyuuñ uThā rakhā hai huzūr ne intiqām aadhā

ye kaisī dariyā-dilī hai saaqī havas bhī dil kī huī na puurī
jo kī ināyat bhī to adhūrī agar diyā bhī to jaam aadhā

tulūa ufuq pe hai ab tak vahī sitāra-e-bād
maiñ bhuul jā.ūñ use dil meñ aarzū hī rahī

huā na duur mire dil se zañg-e-mahrūmī
tamām raat ravāñ chashm-e-āb-jū hī rahī

ek dil hai ki ujaḌ jaa.e to bastā hī nahīñ
ek but-ḳhāna hai ujḌe to haram hotā hai

dil hai shauq-e-vasl meñ muztar nazar mushtāq-e-dīd
jo hai mashġhūl apnī apnī sa.i-e-lā-hāsil meñ hai

sitārā jab mirā gardish se bāhar aa rahā hai
to phir dil kā Thahar jaanā zarūrī ho gayā hai

añdherā is qadar gahrā gayā hai dil ke andar
koī sūraj ubhar jaanā zarūrī ho gayā hai

tujhe maiñ apne har dukh se bachānā chāhtā huuñ
tire dil se utar jaanā zarūrī ho gayā hai

na.e zaḳhmoñ kā haq bantā hai ab is dil pe 'haidar'
purāne zaḳhm bhar jaanā zarūrī ho gayā hai

jaan kar ham nahīñ lagāte dil
dil se har but qarīb hai ḳhud hī

maiñ Thahartā gayā rafta rafta
aur ye dil apnī ravānī meñ rahā

hamāre dil ko aa.e kis tarah phir shādmāñ honā
tirī nazroñ ne sīkhā hī nahīñ jab mehrbāñ honā

jo bad-qismat tire ġham kī masarrat se haiñ nā-vāqif
vo kyā jāneñ kise kahte haiñ dil kā shādmāñ honā

kyā parda-e-ġhaflat hai kuchh ai dil nahīñ ma.alūm
rahtā hai shab-o-roz vo nāzil nahīñ ma.alūm

har dam yahī rahtā hai yahāñ dil meñ pas-o-pesh
jiine kā ba-juz-marg kuchh hāsil nahīñ ma.alūm

yūñhī ik roz apne dil kā qissa bhī sunā denā
ḳhitāb āhista āhista nazar āhista āhista