Tags-Dil

ab to faqat badan kī muravvat hai darmiyāñ
thā rabt-e-jān-o-dil to shurūāt hī meñ thā

chāñd kī chaah meñ uḌte hue panchhī kī tarah
dil bhī nādāñ hai kisī shai pe machal saktā hai

jazba-e-ishq se raushan hai mirā dil 'nāzim'
ye diyā tez havāoñ meñ bhī jal saktā hai

ashk se mahrūm thiiñ āñkheñ fazā-e-shahr kī
jān-o-dil patthar ke the jo ġham mile patthar ke the

dil dhaḌak kar chup rahā kal maslahat kī raah par
sar-burīda saikḌoñ uupar tale patthar ke the

kis ne rakh Daale añgāre dil sī shāḳh kī āñkhoñ par
vo kyuuñ bhūlā ye ḳhushiyoñ ke phuul khilāne vaalī hai

rahe dil meñ vahm-o-gumāñ kaise kaise
sarā meñ Tike kārvāñ kaise kaise

ghar apnā ġham-o-dard samjhe haiñ dil ko
bane mezbāñ mehmāñ kaise kaise

phir us kī yaad meñ dil be-qarār rahne lagā
phir ek baar ye patthar pighal gayā mujh meñ

husn aatā hai ashyā meñ mauqa se mahal se
har mār-e-siyah-zulf dil-āvez bahut hai

tesha-ba-dast har koī rahtā hai raat din
ham dil-jaloñ ke be-jigaroñ ke hujūm meñ

sar-e-bazm dushnām dushman ko de kar
mujhe tum ne kyā dil meñ kosā na hogā

mausam badle dil kā sūraj dukh kī ghaTā meñ Duub gayā
pyaar ke lail-o-nahār na pūchho shaam se pahle shaam huī

chhoTā sā vo dil kā TukḌā kyā kyā fasleñ detā thā
haif qimār-e-ishq ke kāran kaisī zamīñ nīlām huī

aañkh vīrān sahī phir bhī añdheroñ ko 'nasīr'
raushnī ban ke mire dil meñ utar jaanā thā

teġh-e-abrū se dil-e-āshiq ko miltī kyā panāh
jo chaḌhā muñh par ajal ke be-gumāñ maarā gayā

rānā.ī-e-jamāl-e-gul-afshāñ kī ḳhair ho
ab husn-e-dilrubā ke nazāre nahīñ rahe

dil ko thā ibtidā-e-mohabbat meñ jin pe naaz
vo apnī zindagī ke sahāre nahīñ rahe

ye poster to bhalā hai magar paḌhe-likkho
zarā sā dil bhī to rakkho qalam davāt ke saath

guzar rahā huuñ kisī dil-nashīñ sarā.e se
milā rahā huuñ maiñ ḳhvāboñ ko vāqi.āt ke saath