Tags-Dil

shirk se ḳhālī kisī kā na nazar aayā dil
vo baḌe zarf haiñ jin meñ tū samāyā tanhā

band-e-kākul meñ tire jī bhī hamārā hai asiir
daam meñ zulf ke dil hī na phañsāyā tanhā

but-ḳhāne se dil apne uThā.e na ga.e
ka.abe kī taraf mizāj laa.e na ga.e

dil meñ ik dard kī kasak sī thī
ab huī us kī intihā ma.alūm

parda-e-zehn se saaya sā guzar jaatā hai
jaise pal bhar ko mirā dil bhī Thahar jaatā hai

terī yādoñ ke diye jab bhī jalātā hai ye dil
husn kuchh aur shab-e-ġham kā nikhar jaatā hai

hasrateñ dil kī mujassam nahīñ hone pātīñ
ḳhvāb banñe nahīñ paatā ki bikhar jaatā hai

us ko bhī kahte haiñ 'mumtāz' vafā kā naġhma
dil-e-betāb meñ ghuT ghuT ke jo mar jaatā hai

āñkhoñ meñ ibārat hai aur dil meñ kahānī hai
aa jaa.e agar vo to us ko hī sunānī hai

ishq kī aag meñ tā umr ḳhalish
dil-e-be-tāb ko chalnā hogā

dil se uThā lutf-e-jalva-hā-e-ma.ānī
ġhair-e-gul ā.īna-e-bahār nahīñ hai

dil par ḳhuuñ to thā gulābī sharāb
jī hī apnā chalā na sahbā par

umiid TuuTī huī ḳhāk-dāñ meñ raushan hai
koī charāġh to dil ke makāñ meñ raushan hai

ulTī ho ga.iiñ sab tadbīreñ kuchh na davā ne kaam kiyā
dekhā is bīmāri-e-dil ne āḳhir kaam tamām kiyā

samajh ke rasta idhar se guzarne vāloñ ne
kahīñ kā chhoḌā na dil se utarne vāloñ ne

kyā kahūñ kyā hai mere dil kī ḳhushī
tum chale jāoge ḳhafā ho kar

ḳhulūs idhar bhī ho aur udhar bhī to dil se phir dil judā nahīñ hai
maiñ un ko chāhūñ vo mujh se rūTheñ kabhī to aisā huā nahīñ hai

jhukā.iye dil ko sar se pahle ki lutf hāsil ho zindagī kā
na ho agar ijz bandagī meñ to bandagī kā mazā nahīñ hai

loTtā hai dil taḌaptā hai jigar
koī apne kaam se ḳhālī nahīñ

vo to ḳhushbū hai har ik samt bikharnā hai use
dil ko kyuuñ zid hai ki āġhosh meñ bharnā hai use