Tags-Dil

kyā kahiye ki dard-e-furqat se 'ehsās' taḌaptā hai dil kyā
taskīn to maanā mumkin hai taskīn se lekin hāsil kyā

iz.hār-e-ġham-e-dil karnā to 'ehsās' ba-har-hāl āsāñ hai
ashkoñ kī faqat do būñdoñ kā āñkhoñ se nikalnā mushkil kyā

ghanī chhāñv pakaḌ letī hai paañv
musāfir dil Thikānā DhūñDhtā hai

ḳhirad se hogī dil kī pāsbānī
ki tīr-e-dil nishāna DhūñDhtā hai

chiir kar siine ko rakh de gar na paa.e ġham-gusār
dil kī bāteñ dil hī se koī bayāñ kab tak kare

mubtalā-e-dard hone kī ye lazzat dekhiye
qissa-e-ġham ho kisī kā dil mirā dhak dhak kare

yahī sabab hai ki har dil meñ jā ke bastā hai
makān jis ne banā.e vo lā-makān huā

firāq manziloñ kā ik ġhubār thā ki jis ghaḌī
charāġh-e-shab ne aur dil ne mehmān kho diyā

kāfir hamāre dil kī na pūchh apne ishq meñ
bait-ul-harām thā so vo bait-us-sanam huā

sāl-e-rafta meñ tujhe chāhā bahut yaad kiyā
dil ye kahtā hai ki is saal bhulā duuñ tujh ko

tū ne chāhā hai use jis ko tirī qadr nahīñ
dil-e-nādān batā kaisī sazā duuñ tujh ko

tū ki har vaqt rahā ham se ḳhafā phir bhī 'ḳhalīl'
dil pe likkhā hai tirā naam dikhā duuñ tujh ko

ham kārobār-e-dil ko kaheñ kis tarah ġhalat
hoñge bahut se log ḳhasāre meñ ham nahīñ

kisī ke lafz gire ābshār ke mānind
hamāre dil meñ musalsal shigāf paḌte rahe

chhoḌ aayā huuñ dar-e-dil pe maiñ āñkheñ apnī
ab zarā jaa.e jo kahtā thā ki jaanā hai mujhe

baat dil kī zabān par aa.ī
aafat ab merī jaan par aa.ī

jab huā zikr zamāne meñ mohabbat kā 'shakīl'
mujh ko apne dil-e-nākām pe ronā aayā

hāl-e-dil hai koī ḳhvāb-āvar fasāna to nahīñ
niiñd abhī se tum ko ai yārān-e-mahfil aa ga.ī

chale the ghar se asāse meñ hijrateñ le kar
tamām umr kī dil meñ chubhan ko chhoḌ diyā

nayā nahīñ hai ye hañgāma ahl-e-dil ke liye
sukūt-e-ā.ina-e-ḳhud-naigar kī baat na kar