Tags-Dil

aa phañsā ishva-o-andāz-o-adā meñ yuuñ dil
rahzanoñ meñ kare juuñ rāh-farāmosh guzār

hoñT tere phūloñ se baat terī ḳhushbū sī
ruup chāñd sā terā dil bhī aa.ina sā hai

parcham-e-mohabbat hai jab se mere hāthoñ meñ
dard dil-nashīñ sā hai zaḳhm dil-rubā sā hai

dam meñ sar uThātā hai dam meñ TuuT jaatā hai
dil bhī bahr-e-ulfat meñ koī bulbulā sā hai

shor-e-hashr barpā hai yā ki shor-e-tanhā.ī
haiñ bujhī bujhī āñkheñ dil Darā Darā sā hai

mere dil kī ḳhātir to ye fasāna-e-hastī
zaḳhm-e-be-rafū sā hai dard-e-lā-davā sā hai

mujh ko mil hī jā.egī ik na ek din manzil
bas isī tavaqqo par dil meñ hausla sā hai

dil luTegā jahāñ ḳhafā hogā
ishq meñ jo bhī ho bhalā hogā

inqalāb ek ḳhvāb hai so hai
dil kī duniyā ḳharāb hai so hai

ye dil kyūñkar nigah se us kī chhidte haiñ maiñ hairāñ huuñ
na ḳhanjar hai na nashtar hai na jamdhar hai na bhālā hai

na ġhol aatā hai ḳhūbāñ kā sarak ai dil maiñ kahtā huuñ
ye kampū kī nahīñ palTan ye pariyoñ kā risālā hai

jise tum le ke bedardī se paañv meñ kuchalte ho
ye dil maiñ ne to ai sāhab baḌī mehnat se paalā hai

'nazīr' ik aur likh aisī ġhazal jo sun ke jī ḳhush ho
arī is Dhab kī bātoñ ne to dil meñ shor Daalā hai

merī jānib hai muḳhātib ḳhaas kar vo chashm-e-nāz
ab to karnī hī paḌegī dil kī qurbānī mujhe

dil diyā ham ne go qusūr is meñ
kuchh hamārā hai kuchh tumhārā hai

tum se bhī bātchīt ho dil se bhī guftugū rahe
ḳhvāb o ḳhabar kā silsila yūñhī kabhū kabhū rahe

ishq meñ ehtiyāt hī goyā hai pās-e-vaz-e-ishq
chaak hoñ sad-hazār aur dāman-e-dil rafū rahe

aur matā-e-jān-o-dil kuchh bhī na mujh ko chāhiye
siine meñ ik charāġh sā aañkh meñ ik lahū rahe

zehn āvāra dil āvāra nazar āvāra
kaise is haal ko pahuñchā na kisī ne pūchhā

kuchh dard ho kuchh soz ho kuchh nuur ho dil meñ
bas ḳhaak kā putlā hī to insāñ nahīñ hotā