Tags-Dil

mujh ko rahm aatā hai dast-e-nāzuk-e-dildār par
maiñ hī rakh dūñgā galā ai hamdamo talvār par

be-suvaidā haath dil mat Daal zulf-e-yār par
maash pahle paḌh ke mantar pheñk rū-e-yār par

sunā dī kis ne rūdād-e-ġham-e-dil kohsāroñ ko
maiñ akasr sochtā huuñ dekh kar in ābshāroñ ko

samajh paa.e haiñ in ko aur na samjheñge ḳhirad vaale
dil-e-āshiq samajh letā hai jin mub.ham ishāroñ ko

jis ne jalā ke dil mirā hijr kī shab miTā diyā
sham.eñ jalāne aayā hai ab vo sar-e-mazār kyā

koshish-e-zabt laakh kī phir bhī na ashk tham sake
jabr na dil pe ho sakā aisā bhī iḳhtiyār kyā

bād-e-ḳhizāñ kī mauj thī ġhuncha-e-dil ke haq meñ sam
mausam-e-gul kī bhī havā hogī na sāzgār kyā

'sho.ala' tafta-dil mujhe ātish-e-ishq se hai kaam
merī nazar meñ tuur kī barq-e-sharāra-bār kyā

dil kī taḳhtī pe naam hai terā
yaañ nahīñ to kahāñ rahegā tū

bharā ho dil hasad se to nazar kuchh bhī nahīñ aatā
maiñ nafrat meñ adāvat meñ mohabbat ko milā luuñ kyā

na rākhūñ tuj nayan meñ rākhūñ dil meñ
ki tuuñ merā piyārā jiiv kā saatī

ḳhaak kyuuñ chhān rahā hai batlā
thā bhī dil paas tire yaad to kar

be-samjhe-būjhe mohabbat kī ik kāfir ne īmān liyā
ab aaTh aaTh aañsū rote haiñ kyuuñ dil kā kahnā maan liyā

ye koh-e-girāñ hilte haiñ kahīñ aur phir mazbūt irādoñ ke
patthar kī lakīr hai ai nāseh jo ham ne dil meñ Thaan liyā

muztarib dil ik tajallī meñ faqat kaam aa gayā
ibtidā hī meñ ḳhayāl-e-ibrat-anjām aa gayā

ḳhaak āḳhir ho gayā sab sāz-o-sāman-e-hayāt
kyuuñ dil-e-barbād-e-hasrat ab to ārām aa gayā

ho ga.ī āsūdgī jhagḌā chukā rāhat milī
nā-tavāñ thā dil nabard-e-ishq meñ kaam aa gayā

dil ne kī piirī meñ paidā ġhaflat-e-ahd-e-shabāb
sub.h kā bhūlā jo manzil par sar-e-shām aa gayā

dil hai ki jāntā hai junūñ kā ma.aal bhī
sar hai ki phir bhī shor-o-shaġhab se bharā huā

ġhaflat-shi.ār dil pe koī raat Daal kar
jaatā hai mehr ġhaiz-o-ġhazab se bharā huā