Tags-Dil

jaltā hai dil ki kyuuñ na ham ik baar jal ga.e
ai nā-tamāmi-e-nafas-e-shola-bār haif

shaam hai ek sitāra hai sar-e-charḳh-e-vafā
maañg us vaqt koī dil se duā āhista

pahle dukh dard ka.ī dil meñ sambhāle maiñ ne
phir kiyā ḳhud ko tire ġham ke havāle maiñ ne

biThā ke dil meñ girāyā gayā nazar se mujhe
dikhāyā turfa-tamāsha balā ke ghar se mujhe

jo baat hotī hai dil meñ vo kah guzartā huuñ
nahīñ hai koī ġharaz ahl-e-ḳhair-o-shar se mujhe

dikhā.ī kyuuñ dil-e-vahshī ko chashm vo 'jur.at'
sharāb aur divāne ko tū pilā laayā

aisā thā dil kā sāneha vo sañg-dil bhī ro paḌā
'ḳhālid' ne jab zarā se ġham kā ishtirāk kar liyā

dil ho faiyyaz to bas ek hī dar kaafī hai
kyā zarūrī hai ki har dar pe savālī jaa.e

nigāh paak hai terī to paak hai dil bhī
ki dil ko haq ne kiyā hai nigāh kā pairav

panap sakā na ḳhayābāñ meñ lāla-e-dil-soz
ki sāzgār nahīñ ye jahān-e-gandum-o-jau

dil hai kū-e-yār meñ
sar chalā hai sū-e-dār

kyā huā vo soz-e-furqat aur surūr-e-intizār
dil se terī yaad kī din raat ham-āġhoshiyāñ

bad-gumānī kī havā se gul na ho sham-e-vafā
zehn-o-dil meñ ho rahī haiñ aaj ye sargoshiyāñ

vo ik qatra ki barg-e-dil pe shabnam sā laraztā thā
huā hai bahr-e-nā-paidā-kanār āhista āhista

dil bharā hai to kaho aur nahīñ to bismillāh
aur man māntī das laakh to gaalī de le

rah rah ke le rahī hai mire dil meñ chuTkiyāñ
phislī huī girah tire band-e-qabā kī hai

jitne gile the un ke vo sab dil se dhul ga.e
jhepī huī nigāh talāfī jafā kī hai

vo sañg-e-dil mazār-e-vafā par ba-nām-e-ishq
aa.ī to mere naam kā patthar lagā ga.ī

mire dil meñ ḳhushbū basī thī jo vo makān apnā badal ga.ī
kisī aur abr kī chhāñv meñ baḌī duur mujh se nikal ga.ī

gilā kyā karūñ ai falak batā mire haq meñ jab ye jahāñ nahīñ
kahūñ kaise hāl-e-dil un se maiñ mirī hiltī tak ye zabāñ nahīñ