Tags-Aam

naam be-shak aam aadmī ho
par maiñ to masīhā huuñ

bosa le kar mazā milā mujh ko
hanzal us kā zaqan hai aam nahīñ

shahr kī dhuul fazā.eñ hī muqaddar meñ rahīñ
aam ke bor magar merī nazar meñ haiñ abhī

sabz nāranjī sunahrī khaTTī mīThī laḌkiyāñ
bhārī jismoñ vaalī Tapke aam jaisī aurteñ

qadar ho kyā ḳhaak us ke ghar meñ āñdhī ke sī aam haiñ dil
āshiq TuuTe paḌte haiñ har roz kā izn-e-ām burā

aah sad-afsos hai phir aam ruḳhsat ho gayā
jis ko khātā thā maiñ sub.h-o-shām ruḳhsat ho gayā

dil ko mahv-e-ġham-e-dildār kiye baiThe haiñ
riñd bante haiñ magar zahr piye baiThe haiñ

aam ke peḌ shādāb haiñ aaj bhī baurte aur phalte bhī haiñ vo magar
ab vo jhūle kahāñ ab vo kajrī kahāñ vo lachaktī huī Dāliyāñ so ga.iiñ

jahāñ pe aam kī guThlī dabī thī bhūbal meñ
vahīñ pe apne dukhoñ ko tapāne vaalī huuñ

ho rahā hai zikr paiham aam kā
aa rahā hai phir se mausam aam kā

aa sakhī dohrā.eñ phir bachpan ke din
aa sakhī Dāleñ hiñDole aam par

bas ki fa.ālummā-yurīd hai aaj
har silah shor englistāñ kā

aam ke peḌoñ ke saare phal sunahre ho ga.e
is baras bhī rāsta kyuuñ ro rahā thā dekhte

malīhābād aaj jā rahā huuñ maiñ 'josh' lā.ūñ ki aam lā.ūñ
haiñ donoñ chīzeñ vahāñ kī achchhī maiñ lā.ūñ kyā tilmilā rahā huuñ

manzil yahīñ hai aam ke peḌoñ kī chhāñv meñ
ai shahsavār ghoḌe se nīche utar ke dekh

bas ki fa.ālummā-yurīd hai aaj
har silah shor englistāñ kā

aam hai sarkār kā
meva hai darbār kā

aam vaalā aam de
sāhab ko salām de

aam hai salonā
sonā hai jī sonā