Tags-Aah

maiñ ne kī aah to bole nāgāh
ho ga.e garm huā kyā baa.is

ik aah aur ik ashk pe hai qissa-e-dil ḳhatm
rakhtī nahīñ alfāz-e-mohabbat kī zabāñ aur

vufūr-e-shauq meñ āh-o-fuġhāñ ko bhuul ga.e
tum aa ga.e to ġham-e-do-jahāñ ko bhuul ga.e

ai 'hafīz' aah aah par āḳhir
kyā kaheñ dost vaah vā ke sivā

zākir-e-ġham kuuñ dil ke halqe meñ
nāla-o-āh zikr-e-jahrī hai

maiñ qaid huuñ par āh-e-rasā qaid nahīñ hai
vo jail kī dīvār taḌak jaa.e to kyā ho

tum bhuul ga.e mujh ko yuuñ yaad dilātā huuñ
jo aah nikaltī hai vo yād-dahānī hai

dīdanī haiñ dil-e-ḳharāb ke rañg
aah us chashm-e-pur-hijāb ke rañg

kal ke maqbūl aaj haiñ mardūd
aah is daur-e-inqilāb ke rañg

ye kis kī aah kī phunkār hai ki ab ke baras
tumhāre hoñToñ kī koī duā asar meñ nahīñ

sadā-e-āh hai mizrāb-e-ġham kī chheḌ se paidā
dil-e-nālāñ nayā parda hai qānūn-e-mohabbat kā

majnūñ to phirā jañgal jañgal farhād ne chīrā koh-e-dilā
maiñ aah rahā be-dast-o-pā ye bhī na huā vo bhī na huā

ye havā-e-nam ye siine meñ sulagtī aag sī
aah ye umr-e-ravāñ kī rah-guzar kaafī nahīñ

mere hoñToñ pe mirī āh-o-fuġhāñ hai jānāñ
log kahte haiñ baḌī talḳh zabāñ hai jānāñ

dard dīvār pe mandir kī likhī chaupā.ī
aah merī kisī masjid kī azaañ hai jānāñ

dil-e-ḳhilqat-e-ḳhudā ko sanamā jalā na chandāñ
ki falak ke paar pahuñche taf-e-āh-e-dard-mandāñ

ashk-e-garm o āh-e-sard āshiq ke ta.iiñ vasvās kar
ḳhuub hai parhez jab ho muḳhtalif āb-o-havā

mire valvaloñ ke mizāj bhī ba-lihāz-e-mausam-e-vaqt haiñ
kabhī sard aah meñ jal ga.e kabhī ashk ban ke pighal ga.e

phūTe haiñ kahīñ aah bhare dil ke phaphole
pāmāl koī shahr-e-tamannā bhī huā hai

har ek gaam pe kāñToñ kī haiñ kamīñ-gāheñ
shabāb aah shagūfoñ kī rahguzār nahīñ